कोरियामा दूतावासद्धारा कविता प्रतियोगिता आयोजना गरिने
मञ्जु गुरुइ०
सउल
नेपाली राजदूतावस दक्षिण कोरियाले संविधान दिवसको अवसरमा कविता प्रतियोगिता गरिने सूचना जारी गरेको छ । देश प्रेम र राष्ट्रविकास बारे सिर्जना गरिएको नेपाली भाषाको कविता सेम्टेम्बर १५ तारिखसम्म दूतावसमा पठाइसक्नुपर्ने छ । कविताहरु पोष्ट तथा इमेल मार्फत पठाउन सकिने दूतावासले जनाएको छ ।
प्रारम्भिक छनौटमा परेका कविताहरुलाई दूतावासले असोज २ गते विहीबार दिउसो २ बजे कार्यक्रम आयोजना गरी वाचन गरिने छ । बाचन पछि उत्कृष्ठ तीन कविताहरु छनौट गरी पदक र प्रमाणपत्र प्रदान गरिने छ । दूतावासले कविता पठाउदा आफ्नो छोटो परिचय र सम्पर्क नम्बर सहित पठाउन सूचित गरेको छ ।
नेपालको संविधान जारी भएको दिन असोज ३ तारिख तथा सेम्टेम्बर १९ तारिख संविधान दिवस वा राष्ट्रिय दिवसको रुपमा मनाउने सिलसिलामा सो कविता प्रतियोगिता आयोजना गर्न लागेको दूतावबसले जनाएको छ ।
