नयाँ शक्ति कोरिया द्वारा माहाबीर पुनको अभियानलाइ एक लाख रुपैया सहयोग हस्तान्तरण
राजु श्री
नयाँ शक्ति कोरिया ले सामाजिक अभियन्ता डा. महावीर पुन को राष्ट्रिय आविष्कार केन्द्र निर्माण अभियानलाइ एक लाख रुपैया सहयोग हस्तान्तरण गरेको छ ।
गत अगस्त २८ तारिक कोरियाको राजधानी सउल मा बसेको सचिबालय समितिको पुर्ण बैठक ले उक्त अभियान लाई सकेको सहयोग गर्ने निर्णय गरे लगत्तै एक लाख रुपैया सहयोग गरेको हो । उक्त रकम नयाँ शक्ति पार्टी का केन्द्रिय सदस्य बलराम पुन ले नेपालमा एक औपचारिक कार्यक्रम गरि ठमेल स्थित केन्द्रकै कार्यालयमा महाबिर पुन लाइ हस्तन्तरण गरेका हुन् ।
संगठन बिस्तार, राजनीतिक प्रशिक्षण संग संगै समाज सेवालाई पनि निरन्तर जारि राख्ने संगठनको उदेश्य अनुरुप यो पटक राष्ट्रिय आविष्कार केन्द्रलाइ सहयोग गरिएको नयाँ शक्ति कोरियाका संयोजक हेमन्त पुनले बताए । छोटो समयमै लोकप्रियता कमाएको नयाँ शक्ति कोरियाको यो पाचौ सहयोग हो । यस अघि दुवै मिर्गौला फेल भएकी मुगु रावा ८ कि जान्देबी बुढालाई ५१ हजार रुपैया, मुटुमा प्वाल परेर जिबन मरण को दोशाध मा रहेका दलमर्दन कामीलाई ७१ हजार रुपैया त्यस्तै कोरियामा मोटर साइकल दुर्घटनामा पनि घाइते भएका काभ्रेका श्याम लामालाई ४ लाख वन सहयोग गरेको थियो ।भने भुकम्प पिडित बिद्यालय हरुलाई शैक्षिक सामग्री समेत बितरण गरिसकेको छ ।
विज्ञान र प्रविधिका माध्यमबाट मुलुकलाई समृद्ध बनाउने उदेश्य सहित पुन यतिखेर राष्ट्रिय आविष्कार केन्द्र निर्माणका लागि संसार भर छरिएर रहेका नेपाली माझ सहयोग संकलन अभियानमा रहेका छन् । दक्षिण एसियाकै नोबेल पुरस्कार मानिने रोमन म्यागासेसे पुरस्कार बिजेता पुन सरकारले उपेक्षा गरेकोले जनता सामु आफु पुगेको बताउछन । विज्ञान, प्रविधिलगायतका क्षेत्रमा आवश्यक खोज, अनुसन्धान र आविष्कारको लागि उक्त केन्द्र स्थापना गर्न ५० करोड बजेटको लाग्ने पुनले बताएका छन ।
