कोरियन फूटबल क्लबमा नेपाली युवाको उत्कृष्ठ प्रदर्शनी
सोल
एकाडेमी स्तरको फुटबल प्रतियोगिताहरुमा एक नेपाली युवाले दक्षिण कोरियामा उत्कृष्ट प्रदर्शन गर्दै आएका छन । सिन्हंग फुटबल एकेडेमीबाट खेल्दै आएका मनिष डाँगीले ७० भन्दा बढी खेलमा ४५ गोल गरेका छन । सिन्हंग फुटबल एकेडेमीको घरेलु मैदान दोंग्दचौंनमा डाँगीले अभ्यास खेलहरु खेल्दै आएका छन ।
बिद्यालय स्तरको प्रतियोगिताबाट उत्कृष्टलाई कोरियाको राष्ट्रिय लिगमा खेल्नका लागि छनौट गरिने प्रावधान छ । कोरियाको सबैभन्दा ठुलो फुटबल लिग प्रतियोगितालाई के लिग भनिन्छ । साताको छ दिन बिहान एक र साँझ दुइ घण्टा प्रशिक्षण हुने गरेको डाँगीले बताए प्रशिक्षण कोरियाका पुर्व खेलाडी र फिफामा अनुबन्धित भएका प्रशिक्षकहरुले दिने गरेको डाँगीले जानकारी गराए । प्रत्येक सनिबार बिद्यालय स्तरको हुने छुमाल लिगमा पनि डाँगी खेल्दै आएका छन ।
बिद्यालय स्तरको प्रतियोगिताहरुमा छुमाल लिगलाई महत्वका साथ हेर्ने गरिन्छ । एक साता लामो छनौट चरण पार गरि छानिए पश्चात उनि बिगत दुइ बर्ष देखि उक्त एकाडेमीबाट खेल्दै आएका छन । डाँगीले कोरियाका एकडेमी स्तरको प्रतियोगिता साथै चिन र जापानका एकाडेमी स्तरका खेलहरुको प्रतिस्पर्धामा पनि सहभागी भएका छन । डाँगी अग्रपंक्तिबाट खेल्दै आएका छन । एकडेमीले खाना बस्नको पूर्ण व्यवस्था सहित डाँगीलाई अनुबन्ध गरेको छ । अभ्यासका क्रममा खेलाडीहरुलाई भौतिक सुबिधाहरु फिटनेस सेन्टर,स्विमिंग पुल तथा रिकोभरी सेन्टरको व्यवस्था भएको उनले बताए ।
जाडो र गर्मि बिदाको समयमा एक महिनाको लागि एकडेमीले फुटबल अभ्यासका अन्यत्रका शहरमा खेलाउने गरिएको छ । कोरियन फुटबलमा आवद्ध एकडेमीहरु मध्य सिन्हंग फुटबल एकेडेमीलाई माथिल्लो स्तरको एकाडेमीका रुपमा पनि लिने गरिन्छ । राष्ट्रिय टिमका फुटबल खेलाडी किम दु हयून सिन्हंग फुटबल एकेडेमीका उत्पादन हुन । १५ बर्षिय डाँगीले नेपाल रहेको समय जेम्स स्कुलमा अध्ययन र खेल अघि बढाएका थिए । माध्यमिक तहमा अध्ययन गर्दै गरेका डाँगीका बुबा कोरियामा रेस्टुरेन्ट व्यवसाय गर्छन ।
