किन बढ्दैछ जापानमा आत्माहत्याको संक्रमण
आज धेरै दुख अनि गहन सोचमा पुगेको छ यो मन । किन जापानमा आत्माहत्याले ठुलो रुप लिदै छ ? यसको मुख्य कारण के होला ? किन नेपालीमै मात्रा बिक्राल बन्दै छ यो रोग ? यसको जवाफ पाउन हामिलाई समय धेरै नै लाग्न सक्छ । दैनिक जसो नराम्रा खबरहरु सुनिदै आएका छन ।
आज मात्र फुकुओकामा अध्ययनरत टिना गुरुङको आत्माहत्या भयो भन्ने दुखद खबर आयो । यस्ता किसिमका घटनाले जापानमा रहेका नेपाली समुदायमा किन जरो गाड्दै छ त ? अब खोजतलासको विषय बनेको छ । खास आत्महत्याको मुख्य कारण के होला ? यसको समाधानको प्रयास के हुन सक्छ ? अब भने गम्भिर भएर सोच्नु पर्ने बेला आएको छ ।
यसको रोकथामको लागी प्रयास नभएका भने होईनन आदार्णिय दाजु डाक्टर विजय ज्ञवाली आत्माहत्या रोकथामको अभियान मै लाग्नु भएको छ । तर एक जनाले गरेर हुनेवाला केहि पनि छैन । उहाको यस अभियानमा साथ दिदै अघी बढ्नुको विकल्प पनि छैन । हामिले आत्माहत्या गर्नेलाई यसले बिना काममा किन आत्मा हत्या गर्यो भनेर प्रश्न गर्नु भन्दा नि । आत्महत्याको मुख्य कारण के थियो भनेर खोज्नु पर्ने बेला आएको छ ।
समस्याको समाधान आत्माहत्या होइन भन्ने कुरा हामी सबैले गम्भिर रुपमा बुझ्नु पर्ने हुन्छ । आत्माहत्या गरेर जाने त गयो तर उसको परिवारलाई यस घटनाले दिने पीड़ामा पनि सोच्नु पर्ने हुन्छ । हामी सामाजिक संजालमा आत्माहत्या गर्नेलाई गाली गर्दै नराम्रो सोच्ने भन्दा नि यि यस्ता घटनाको समाधान के कसरी गर्न सकियला भनी सोच्नु नै बुद्दिमता होला । घटना हुन्छ हामी २,४ दिन सामाजिक संजालमा कराउछौ तर २,४ दिन पछी घटना सेलाउछ ।
तर समाधान तिर हाम्रो ध्यान जादैन । कमसेकम संगै बस्ने साथीले थाहा पाउनु पर्थ्यो आत्माहत्या गर्ने मान्छेको व्यवहार परिवर्तन भैरहेको । त्यस्तो व्यबहार पाएमा उसलाई सम्झाउने या सम्बंधित व्यक्तिलाई सम्पर्क गराउने । यि यस्ता कामले पनि आत्माहत्या रोकथाममा ठुलो सहयोग पुग्न सक्छ । आफ्नो काल गतिले निधन हुनु र आत्माहत्या हुनुमा धेरै फरक छ । आत्माहत्या लाई हामी सबै एक भै प्रतिज्ञा गर्यौ भने अवस्य पनि निर्मुल पार्न सकिन्छ । आजैदेखी प्रतिज्ञा गरौ – म पनि आत्माहत्या गर्ने होइन सोच्ने छैन । मेरो साथिलाई पनि आत्माहत्या गर्न दिने छैन ।
लेखक नेपाल जापान विद्यार्थी समाजका अध्यक्ष हुन ।
