“मेरो देश, मेरी आमा”

धेरै दिए दुख, धेरै रोयौ तिमी
अन्याय अत्याचार अति सह्यौ तिमी
साक्षी छ इतिहास अमर रह्यौ तिमी
बीर गोर्खाली जन्माउँदै बाँच्यौ सधैं तिमी !!

हिमाल पहाड तराई मिली बन्यौ तिमी
कहिल्यै नडराई अटल रह्यौ तिमी
दुख जति सबै लुकाई बाँच्यौ सधैं तिमी
अग्ला सारा हिमाल देखाई हाँस्यौ सधैं तिमी !!

प्रकृतिको उपहार राख्यौ सबै सजाई
ममताकी खानी तिमी छैनन् कोही पराई
सन्तति जति बीर भई जिते सारा लडाई
सार्वभौम सत्ता सम्पन्न नेपाल भनी चिनाई !!

गर्ब छ मलाई, म जन्मे तिम्रै गर्भमा
बाँकी जीवन दान भो यो देशकै सेवामा
छोड्छु अब रम्न त्यो नराम्रो नशामा
गर्छु राम्रा काम, चिनाउँछु है सारा संसारमा !!

 (म्याग्दी, अर्मन, किमचौर)

हालः किम्पो, कोरिया