किन बन्दैछ कोरिया आत्महत्याको गन्तब्य
एक पछी अर्को गर्दै आत्महत्याको डढेलोको लप्को अ ने सा स कोरिया च्याप्टरका अध्यक्ष एबम कोरियाका सफल ब्यबसायी अनी समाजसेबी मनोज कुमार डाँगी सम्म आइपुगेको छ ।
किन हुन्छ एक पछी अर्को यस्तो अत्यास लाग्दो घटना सोचनिय बिषय छ ।एउटै सङ्गठनमा धेरै काम गरेकोले पनि अलिक जानकारी थियो उहाँको बारेमा मलाई । घटना घट्नु अघिल्लो दिन सम्म अरुलाई सम्झाउने कहिल्यै नकरात्मक नसोच्ने जो कोही मृत्युको मुख्मा पुगेकालाई आफ्नै पहलमा सहयोग उठाएरै भए पनि जिबनको बाटोमा डोर्याउन लागि पर्ने ब्यक्ती आज आँफै आत्मा हत्याको बाटो रोज्नु भयो।
कुरो उहा लगायत सबै को बारेमा हो जो अजसम्म त्यो बाटो अङ्गाली सक्नु भएको छ । सरदर औसत रुपमा महिनाको एकजना किन गर्छन् आत्महत्या ? के अब हामीले मृतकको एउटा फोटो ठुलो बनाएर फेसबूकमा श्रदान्जली भन्दै पोस्ट गर्ने अनी रिप लेख्दै कमेन्ट गरी रहनेकि ? किन यस्तो हुन्छ यस्बारेमा गहिरो अध्ययन पनि गर्ने?
सरकार त फगत रेमिट्यान्सको पर्खेर र्याल काडेर मात्रै बस्छ। जस्लाई नागरिकको कुनै जिम्मेवारी नै छैन। कुन नेतालाई टाउको दुख्छ कुन नेतालाई रुघा लाग्छ प्लेन चार्टर गरेर बसेको छ।के यही हो सरकारको जनता प्रतिको जिम्मेवारी?कसरी माछे आत्महत्या नै रोज्ने गरी किन यहाँ मान्छे यस्तो गम्भिर डिप्रेसनमा फस्दै छन् अनुसन्धानको पाटो होकी होइन? खाली सरकार ले कोरियामा यो बर्ष अत्महत्या गर्नेको सङ्ख्या यती पुग्यो भन्दै आँकडा मात्रै बनाउने हो?
आत्महत्या ब्यक्तीको कमजोरी होला त्यस्तो मृत्यु निम्ताउने कारण के हुन सक्छ खोजिनु पर्छ। सरकारको पनि कम्जोरी पक्कै छ त्यस्मा कुनै पहल कदमी प्रभाबकारी रुपमा गरेको देखिदैन नेपालमा राम्रो ट्रेनिङ दिनु अति आबस्यक छ दिने गरेको भए अझै प्रभाबकारी बनोस खाली झारा टराइ मात्र हैन । खाली लाखको सपना बाँडेर मात्रै पठाउँदाको कारण पनि यस्तो हुन सक्छ। मुलत अदुरदर्सी निती पनि हो । यात्रा घटना घटिसक्दा पनि एउटा राम्रो मनो चिकिस्सक बोलाएर प्रशिक्षाण गराएको छैन । कतै छ भने पनि प्रभाबकारी देखिएको छैन ।
त्यसैले यसबारेमा कदम चाल्नु अनिबार्य देखिन्छ, यो डिप्रेसनमाको केही हिस्सा घर परिवार नाता गोता पनि हुन सक्छन परिवारको एउटा सदस्य कोरिया गएकै भरमा चन्द्रमा छुने सपना देख्नु नानाभाँतिका माग राख्नु राजधानी मै अलिशान महलको कल्पना गर्नु रातो दिन मुल्यबान फोन लत्ता कपडा सुन चाँदी अलाप्दै फोन गर्नु यस्ता कुरा ले पनि दिनभरी कोरियनका किच किचले लखतरान पारेको दिमागमा आघात पुर्याउन सक्छ । त्यसैले परिवारले पनि धेरै ध्यान पुर्याउनु पर्छ जस्तो लाग्छ।
कोरियायामा पैसा बोटमा हैन अक्करमा छ।यहाँ त मानिसलाई मेसिन बनाइन्छ सपेराले बाँसुरिमा सर्प नचाए झै नचाइन्छ । त्यसैले दोहोरो तनाब भयो भने दिमागले खराब बाटो पनि अङ्गाल्न सक्छ । सबै क्षत्रबाट बेलैमा सचेत हुनु जरुरी छ।
