कोरियामा सेलरोटी बेच्दै छात्रावृद्धी संकलनमा कमला

सउल

सेवा गर्न धन हैन मन चाहिन्छ । धेरैको सेवा गर्ने माध्यमहरु आ – आफ्नै छन । तर दक्षिण कोरियामा अध्ययनरत कमला साउदको भने अलि फरक छ । उनी आजकल आफ्नो परम्परागत मौलिक नेपाली परिकार सेलरोटीको स्वाद विदेशीलाई चखाउदै छात्रावृद्धी संकलनमा जुटेका छन् ।

कोरियाको विभिन्न स्थानमा लाग्ने मेला वा बजारमा कमला सेलरोटी पकाउदै हसिलो मुहारमा कोरियनहरुलाई स्वाद चखाउन व्यस्त हुन्छीन । हातभरी पिठो लिएर कुइक् घुमाउदै सेलरोटी पकाएको दृश्यले कोरियन होस की कुनै विदेशीलाई कौतुहल त बनाउने नै भए । यसरी सेलरोटी पकाएको प्रत्यक्ष देखेपछि तात्तातो सेलरोटी नचाख्ने सायदै होला । कोही त स्वाद मन परेपछि फर्की फर्की आएर किनेको अनुभव पनि कमलासंग छ । अझ यो सेलरोटी विक्रीबाट प्राप्त रकम नेपाली विद्यार्थिहरुलाई छात्रावृद्धी दिइने भन्ने थाहा पाएपछि परेको मूल्यभन्दा थपेर दिने मनकारीहरु पनि भेटेकी छिन कमलाले ।

यसरी जम्मा गरेको ७ लाख कोरियन वन नेपालका गरिब तथा जेहेन्दार विद्यार्थिको छात्रावृद्धीको लागि गत वर्ष नेपाल पठाइसकेका छन् । नेपालको कैलाली गेटा स्थीत सरस्वती अन्तराष्ट्रिय नमूना उमाविमा सो रकम नेपाली ५९ हजार रुपियाँ बैंकमा जम्मा गरेकी छिन् । बैंकमा जम्मा गरेको सो रकमबाट आएको व्याजबाट सोही विद्यालयका विद्यार्थिहरुलाई छात्रावृद्धी प्रदान गरिने कमलाले जनाइन । छात्रावृद्धी पाएर सोही विद्यालयमा स्नातक उतिर्ण गरेकी कमलाले सोही विद्यालयमा केही समय अध्यापन पनि गराएकी थिइन् ।

कमलाले यस वर्ष पनि हालसम्म सेलरोटी बेचेर २ लाख ८० हजार कोरियन वन जम्मा गरेकी छिन् । प्रत्येक सेलरोटीको मूल्य कोरिन वन एक हजार अर्थात नेपाली सय रुपैयाँमा विक्रि गर्दै आएका छन् । सेलरोटी बेचेर एक पटकमा एक लाख ३० हजार वनसम्म संकलन गरिएको कमलाले सुनाइन । सेलरोटी पकाउने सामग्री भने आफ्नो व्यक्तिगत खर्चबाट गर्ने गरेको कमलाले थपिन । उनलाई सेलरोटी पकाएर बेच्नमा उनकै विश्वविद्यालयका विद्यार्थि साथीहरुले पनि सघाउदै आएका छन् ।

कोरिया आएको वर्ष दिन भित्रै कोरियन भाषा सिकेर हाल आफ्नै विश्वविद्यालयमा विदेशी विद्यार्थिहरुलाई सहयोग गर्ने पार्ट टाइम रोजगारी पनि प्राप्त गरेकी छिन् कमलाले । नयाँ विद्यार्थि र आउन चाहने विद्यार्थिहरुलाई भाषा सहयोगी भूमिका निभाउदै आएकी छिन कमला । आफू पनि नेपालमा विदेशीको छात्रावृद्धीमा अध्ययन गरेकाले आफूजस्तै अन्य नेपालीहरुले पनि अध्ययन गर्न सकुन भन्ने मनसायले छात्रावृद्धी संकलनमा जुटेको उनले बताइन ।

कमला हाल कोरियाको खाइ०वान्दो प्रान्तको सामछक शहर स्तिथ खाइ०वान्दो (देहाक्यो ) विश्वविद्यालयमा अध्ययनरत छन् । दाइ० तुल्सीपुरकी कमलाले समाज सेवाको फरक माध्यम मात्र रोजेकी छैनन् नेपाली परम्पराग मौलिक खाना सेलरोटी बेचेर विदेशमा नेपालको संस्कृतीको पहिचान पनि गराउदै आएकी छिन् । समाज सेवा गर्न धन हैन उत्साह र जागर चाहिन्छ अनि फरक सोच भन्ने उदाहरन बनेकी छिन कमला साउद ।