तिहारमा चेलीलाई सम्झदै परदेशी माइतीको पीडा गीतमा
फोनिज कोरिया संवाददाता
सउल
चेली माइतीको महत्वपूर्ण पर्व तिहारमा परदेशमा रहेका दाई भाई गाउँका दिदी बहिनी सम्झदै बस्नुपर्ने बाध्यता हाल नेपालीको नियती जस्तै बन्न पुगेको छ । कोरियामा पनि हरेक तिहारमा यस्तै व्याथामा तड्पिने माइतिहरु हजारौ छन् । यस्तैमा कोरियामा रहेका एक माइती हुन गीतकार नगेन्द्र थापा मगर । बहिनीलाई सम्झदै कोरेका उनै भावनाहरुलाई गीतमा उतारेका छन् थापाले ।
कोरियामा रोजगारी गरिरहेका दुई सर्जक पोखरेली गायक तथा संगीतकार बिकास बिक र बाग्लुड़्गे गीतकार नगेन्द्र थापा मगरले तिहार सम्बन्धि तयार पारेका छन् । “दैलामाथिको तस्वीर हेर्दै ” शिर्षकमा बनेका सो मार्मिक गीतको म्युजिक भिडियो भरखरै बजारमा ल्याएका छन ।
परदेशमा रहदा भाईटिकाको बेला नेपालमा भएकी बैनीको सम्झनाले कसरी पिरोल्छ भन्ने यथार्तलाई गीतमा प्रस्तुत गरिएको छ ।
कोरियामा रहेर सामाजिक सेवामा निरन्तर लागी रहनु भएका योड़्ग स्टार ग्रुपका संस्थापक अध्यक्ष तथा सामाजिक अभियन्ता काभ्रेली युवा यम श्रेष्ठ र कुशल नृत्यड़्गना सुन्दरी मोडल बिना पुनको ससक्त अभिनयलाई कोरियामा चिरपरिचित छायाड़्कार पेन्जि योड़्गले क्यामेरा चलाउनु भएको छ । श्रेष्ठ र पुनले माइती चेलीको अभिनय गरेका छन् । साथै बेद कुमार श्रेष्ठ र बुद्द कुमारी श्रेष्ठको पनि अभिनय देख्न सकिने छ । कोरियामै छायाँकन गरिएको म्यूजिक भिडियोलाई, गुल्मी समाजका अध्यक्ष तथा सामाजिक अभियन्ता गान्धिब सुबेदी र स्वयम गीतकार नगेन्द्र थापा मगरले संयुक्तरुपमा निर्देशनमा डेब्यु गरेका छन ।
बबल गम स्टुडियो ( द. कोरिया )मा रेकर्डिड़्ग तथा ड्रिम्स स्टुडियो ( काठमाण्डु )मा मिक्सिड़्ग गरिएको उक्त गीतलाई देबेन्द्र नेवाले एरेन्जर गर्नु भएको छ। बिनोद श्रेष्ठको कुशल सम्पादनमा बनेको उक्त गीतको भिडियो ड्रिम्स स्टार प्रोडक्सनले निर्माण गरेको हो । भने सड़्गस नेपालले सार्बजनिक गरेको छ
यो भन्दा पहिले ” थाहै नपाई ” आधुनिक तथा पप गीतको एल्बम बजारमा ल्याई सकेका सर्जक द्वयले सोही एल्बमको गीत ” हिमचुलीमा ” बोलको भिडियो बजारमा सार्बजनिक भईसकेको छ ।
