सानो मिल्ती खोला हाइड्रोपावरले सुवनमा अन्तरक्रिया गर्ने
सउल, सानो मिल्ती खोला हाइड्रोपावर लिमिटेडले आफ्ना शेयर धनिहरुलाई सुवनमा आयोजनाबारे अन्तरक्रिया राखेको छ । लिमिटेडले आगामी आइतबार सुवन स्थित एभरेस्ट रेस्टुरेन्टमा (गेट नम्बर १२ नजिक ) आयोजना बारे जानकारी गराउने बताईएको छ ।
सानो मिल्ती खोला जलबिद्युत आयोजनाको निर्माणकार्यको प्रगतिबारे कोरियामा रहेका लगानीकर्ताहरुलाई जानकारी दिने कार्यक्रम आयोजना गरिएको छ । दक्षिण कोरियामा कार्यरत नेपाली युवाहरुको प्रत्यक्ष लगानीमा रामेछापको फुलासी ३ मा निर्माणाधीन आयोजनाको हालसम्मको निर्माण कार्यबारे अवगत गराउन लागिएको आयोजना संचालक कपिल न्यौपानेले जानकारी दिए । न्यौपानेका अनुसार आयोजनाको सिभिल निर्माण कार्य सुरु गरिएको छ ।
हाल आयोजनाको लागि आवश्यक जग्गा खरिद , आयोजना स्थलसम्म पुग्ने ४ किलोमिटर बाटो लागि ट्रयाक खोल्ने कार्य सकिएको छ । तीव्र गतिमा निर्माण कार्य भइरहेको जानकारी दिदै न्यौपानेले भने – सडक सुधारसंगै ड्याम क्यानल र पावर हाउस एकैपटक सुरु गरि आगामी २२ महिनामा सम्पन्न गरिने छ ।
विद्युत खरिद बिक्री सम्झौता (पिपिए ) र उत्पादन अनुमतिपत्र (पिडीए) जारी भइसकेको छ । कागजी कानुनी प्रक्रिया सबै सकेर राष्ट्रिय योजना आयोगबाट प्राथमिकताको आयोजनाको मान्यता प्राप्त गरेको न्यौपानेले जानकारी दिए । २०७५ मंसिरसम्म आयोजना सम्पन्न लक्ष्य राखिएको छ । आयोजनाको प्रगति र भावी योजना बारे लगानीकर्ताहरुसंग भेटघाट कार्यक्रम राखिएको हो । आयोजना बारे अन्तक्रिया तथा भेटघाटका लागि संचालक मध्यबाट कपिल न्यौपाने र सुरेश लिम्बु कोरिया आएका छन । आयोजना संचालक सुरेश लिम्बुका अनुसार थेगुको अन्तक्रिया सकिएको छ भने सुवन पश्चात सोलका लागि भेटघाट र अन्तरक्रियाको मिति तय गरिने छ ।
२०७५ मंसिरसम्म राष्ट्रिय प्रसारणमा जोडिने उक्त आयोजनाको जानकारी बारे बुझ्न सुरेश लिम्बुलाई ०१० २१५९ ८९०० मा र कपिल न्यौपानेलाई ०१०२१४३२२९२ मा सम्पर्क गर्न सकिनेछ ।
