बुसानमा यलम्बर साङ्गितिक सौगात हुँदै
बुसान, कोरियाली नयाँ वर्ष सलनालको अवसर पारेर किरात राई यायोख्खा बुसान दक्षिण कोरियाले यलम्बर साङ्गितिक सौगात भाग १ कार्यक्रम गर्ने भएको छ । ‘देश विकासको मुख्य आधार शैक्षिक क्षेत्रमा सुधार ‘भन्ने नाराका साथ नेपालको दुर्गम क्षेत्रका बालबालिकाको शैक्षिक क्षेत्रमा सहयोग पुर्याउने उदेश्यले यायोख्याले जनवरी २७ तारिखका दिन बुसानमा गर्न लागेको “यलम्बर साङ्गितिक सौगात भाग- 1” कार्यक्रमको बिसयमा बुसानका विभिन्न संघ संस्था, पत्रकार, बुद्दिजीवि लगायत अन्य व्यक्तिहरुलाई आमन्त्रण गरेर संयुक्त बैठक तथा पत्रकार सम्मेलन गत डिसेम्बर 4 तारिक आइतबार बुसान यक स्थित न्यु लिटिल इन्डिया रेस्टुरेन्टमा सम्पन्न गर्यो ।
उक्त कार्यक्रममा आयोजक किराया बुसानले “यलम्बर साङ्गितिक सौगात भाग-1” को लागि छनौट गरिएका कलाकारहरुको नाम सङ्गै पोस्टर सार्बजनिक गरेको थियो । नेपालबाट अहिलेका सर्बाधिक चर्चामा रहेका गायक राजेश पायल राई, चर्चित गायिका मिलन अमात्य, गायिका साथै बेलि डान्सरका रुपमा स्थापित पृती आले मगर, लोक गायिका कोमल वलि, गायिका कला राई, हास्य कलाकार राजा राजेन्द्र पोख्रेल, गायक राजेश पुमा राई र हट डान्सर रन्जिता लिम्बू आउने भएका छन ।
न्यू लिटिल इन्डिया नेपाली रेस्टुरेन्टमा डिसेम्बर ४ तारिक आइतबारका दिन सम्पन्न उक्त कार्यक्रममा NRNA बुसानका अध्यक्ष रबिन राई, NCC बुसानका अध्यक्ष सङ्गीत अधिकारी, NCC बुसानका सस्थापक भु पु अध्यक्ष एल बि बिस्ट, नेपाल पत्रकार महासंघ दक्षिण कोरियाका अध्यक्ष खेम कार्कि , आदिवासी जनजाति महासंघ दक्षिण कोरियाका उपाध्यक्ष कुमार भुजेल , बाहिङ किरात राई द कोरियाका अध्यक्ष सुनिल दिप्त राई, सङ्घिय सामाजबादी फोरम द कोरियाको सचिव सक्सेस राई मकवानपुर कोरिया मन्चका पुर्ब अध्यक्ष तथा समाजसेवी रमेश उप्रेती, बुसान नेपाली आवास गृहका सचिब नवीन के सि, NCC बुसानका बरिस्ठ उपाध्यक्ष गोबिन्द कठायत, याक्थुङ सयुङ गजेदोका प्रतिनिधि चन्द्र सम्बाहाम्फे, किम्हे माइग्रेन्टका प्रतिनिधि हरि थपलिया, प्रबासी नेपाली महिला समाजकी अध्यक्ष प्रतिमा आले, एभ्रेस्ट फुटबल क्लब का म्यानेजर किरण अधिकारी लगायत अन्य सस्थाका प्रतिनिधिहरुको बाक्लो उपस्थिती रहेको थियो ।
सयुक्त बैठकमा किराया बुसानका अध्यक्ष आनन्द राईले कार्यक्रम बारेमा विस्तृत रुपमा उपस्थित सबैलाई जानकारी गराउनुभएको थियो भने त्यसपछि अन्य सबैले पालैपालो आ-आफ्ना धारणा, प्रतिक्रिया, सल्लाहसुझाब राखेका थिए । रबिन राई, सङ्गीत अधिकारी, एल बि बिस्ट, खेम कार्की, रमेश उप्रेती, हरि थपलियाले बिगत को आफ्नो अनुभवहरु सुनाउदै किराया बुसानको लागि यस पटक बुसान किमे क्षत्रका सबै सस्थाहरुलाइ एकजुट बनाउदै कार्यक्रम सफल पार्नु एउटा चुनौती र अवसर दुबै भएको प्रतिकृया दिदै कार्यक्रमको सफलताको सुभकामना दिएका थिए भने अन्य उपस्थीत सघ सस्थाका प्रतिनिधिहरुले किराया बुसानले छोटो समयमै यति धेरै कार्यक्रमहरु गर्न सफल भएकोमा बधाइ र शुभकामना दिएका थिए।
बुसानमा रहेका अन्य विभिन्न संघसंस्थाहरु एकआपसमा एकले अर्कालाई सहयोग गर्दै संगठित भएर जानुपर्ने निष्कर्ष समेत निकाल्दै उक्त संयुक्त बैठक तथा पत्रकार सम्मेलन सम्पन्न भएको थियो भने किराया बुसानका अध्यक्ष आनन्द राईले साङ्गितिक कार्यक्रमबाट आएको मुनाफा रकमलाइ समाजसेवामा खर्च गरिने भएकोले कार्यक्रम सफल बनाउन बुसान क्षत्रका सम्पुर्ण नेपालीहरुलाई सहयोगको लागि अनुरोध गरेका थिए ।
