कोरियामा ह्योल्मो सोनाम ल्होसारको भव्य तयारी

ह्योल्मो सम्पर्क समिति-दक्षिण कोरिया द्वारा वार्षिक रूपमा आयोजना गरिने ह्योल्मो सोनाम ल्होसार कार्यक्रमको सम्पुर्ण तयारी भई सकेको  जानकारी यस संस्थाका अध्यक्ष श्री पेम्बा दोड०बा ह्योल्मोले गराउनु भयो । आफ्नो मौलिक परम्परा र  रितिरिवाज लाई निरन्तरता दिदै यस वर्षको २१४४औं (च्याह ल्हो) चरा वर्षको ह्योल्मो सोनाम ल्होसारको आगमन लाई भव्य रूपले स्वागत गर्ने र दक्षिण कोरियामा रहनु भएका सम्पुर्ण ह्योल्मोवन्धुहरू एकजुट भई एक आपसमा मेलमिलाप र सोनाम ल्होसारको शुभ-कामना आदान प्रदान गरिने छ।

यस वर्षको ह्योल्मो सोनाम ल्होसार सॉंझ 2017 कार्यक्रम विगत वर्षहरूमा आयोजना गरिएको कार्यक्रम हल  BEARSI BANQUET HALL WANGSIMNI मा आगामी 2017 January 28 शनिवारको दिन गरिने र पुर्व तयारी भई सकेको जानकारी गराउनु भयो । उक्त ल्होसार सॉझ कार्यक्रममा विभिन्न संघ संस्थाको प्रतिनिधि र अतिथिहरुलाई संस्था बाट पत्रचार गरि निमन्त्रणा गरिने र आफ्नो धार्मिक परम्परा र सांस्कृतिक अनुरूप नै कार्यक्रम लाई संचालन गरिने बताउनु भयो।