कोरियाका राष्ट्रपति पार्क बिरुद्ध आज संसदमा मतदान हुँदै
सउल
दक्षिण कोरियामा राष्ट्रपति पार्क ग्युन हयेको बिरुद्धमा आज संसदमा मतदान हुँदैछ। दुई तिहाईले मात्रै महाअभियोग पारित हुने संबैधानिक ब्यवस्था छ। विपक्षी गठबन्धनका मुख्य विपक्षी डेमोक्रेटिक दल , दुई साना दल जनता र जस्टिस गरि एक सय ७२ सांसद संख्या छ। दुई तिहाईको लागि आवश्यक पर्ने दुई सय मत सत्तारूढ़ सेनुरी दलका २८ सांसदले फ्लर क्रस गरे मात्रै संभव छ।
महाअभियोगको पक्षमा सत्तारूढ़ दलका ४० सांसदहरुले मतदान गरि महाअभियोग पारित हुने अपेक्षा गरेको विपक्षी गठबन्धनलाई बिहीबारका मतसर्वेक्षणले झस्काईदिएको छ। प्रष्ट दुई तिहाई पुग्ने आशामा देखिएको गठबन्धनको पक्षमा एक सय ९० देखि बढ़ीमा एक सय ९५ पुग्ने सर्वेक्षणले देखाएको छ। सेनुरी दलले महाअभियोगको पक्षमा बढ़ीमा २३ सांसदले मतदान गर्ने आंकलन गरेको छ।
महाअभियोग पारित नभएमा विपक्षी गठबन्धनका एक सय ७२ सांसदले सामूहिक राजीनामा दिने बताएका छन।
महाअभियोग पारित भयो भने राष्ट्रपति स्वतः निलम्बनमा पर्नेछिन । संसदबाट पारित प्रस्ताव संबैधानिक अदालतले उल्टाऊन सक्ने कानूनी प्रावधान पनि छ। सन द्दण्ण्द्ध राष्ट्रपति बिरुद्धको संसदले पारित गरेको महाअभियोगलाई संबैधानिक अदालतले उल्टाएको थियो। संबैधानिक अदालतले संसदको पारित प्रस्तावलाई अनुमोदन गरेपछि मात्रै अन्तिम फैसला मानिन्छ। भ्रस्टाचार काण्डमा एक पछि अर्को बिषय जोडिएकोले संसदबाट पारित भएको अवस्थामा हाल संबैधानिक अदालतले पनि सादर गर्ने धेरैको बुझाई छ।
राष्ट्रपति हटेको खण्डमा कामचलाऊ राष्ट्रपति बर्तमान प्रधानमन्त्री हुने वा नयाँ चयन गर्ने बिषयमा बिबाद छ। पार्कले नियुक्त गरेका प्रधानमन्त्रीले राष्ट्रपतिको कार्यभार सम्हाल्न नसक्ने विपक्षी दलले ठोकुवा गरेका छन।
शुक्रबार साँझसम्म महाअभियोगको मतपरिणाम आईसक्ने जनाईएको छ।
