कोरियामा नेपालीको आफ्नै गुम्बा
सोल,
विश्वमा छरिएका नेपालीहरुको संख्या दिन प्रतिदिन बढ्दो छ । जहाँ नेपालीको संख्या बढ्दो छ , त्यहा नेपाली कला संस्कृती र धर्मको जग पनि बस्दै गएका छन् । विदेशमै परिवार सहित बर्षौ बस्ने नेपालीहरुलाई जन्म मृत्यु जस्ता धार्मिक संस्कार अनुसरन गर्न असहज स्थिती उत्पन्न हुने गर्छन् । त्यसैले जुन देशमा नेपालीहरुको संख्या हजारौ पुग्छन त्यहा मन्दिर र गुम्बाहरु स्थापना हुन थालेका छन् ।
यसैक्रममा दक्षिण कोरियामा रहेका नेपालीहरुले पनि हालै सउल नेपाली गुम्बाको स्थापना गरेको छ । डेढ दशक भन्दा बढी कोरियामा बस्दै आएका बौद्ध लामा गुरु कुन्साइ० दोर्जे लामाको नेतृत्वमा सो गुम्बाको स्थापना भएको हो ।
२०१६ नोभेम्बर २६ तारिखबाट संचालनमा ल्याएका सो गुम्बाको जनवरी ८ तारिख औपचारीकरुपमा उद्घाटन गरिएको छ । राजदूताबासका कार्यबाहक राजदूत किरण शाक्यको उपस्थितीमा गुम्बा उद्घाटन गरिएको थियो ।
बुद्ध धर्मका प्रवर्दक गौतम बुद्ध नेपालमा जन्मेको हो भन्ने प्रमाण दिन र नेपाली कला र संस्कृतीलाई कोरियामा पहिचान गराउन पनि गुम्बाको स्थापना गरिएको प्रमुख लामा कुन्साइ०ले बताए । साथै कोरियामा नेपाली चाप बढ्न थालेपछि नेपालीहरुको जन्म, मृत्यु र शान्ति पुजा जस्ता धार्मिक संस्कार पुरा गर्न गुम्बाको स्थापना गरिएको गुरु लामाले थपे ।
कोरियामा आपत विपदमा परेका नेपालीहरुलाई खान बस्नदेखिको सुविधा उपलब्ध गराउने लामाले बताए । कोरियामा गौतम बुद्ध जन्मेको देश कपिलवस्तु भारतमा पर्छ लेखिएको पुस्तक स्वयम बौद्ध मार्गीहरुले नै पढ्ने गरेको तितो अनुभूति सुनाए लामाले ।
कोरियाका बौद्ध संघसंस्थाबाट सहयोग लिएर गुम्बा संचालमा ल्याएपनि अब यसलाई अगाडी बढाउन र फैलाउन नेपाल सरकार र कोरियामा रहेका नेपाली समुदायहरुलाई सहयोग गर्न लामाले आग्रह गरेका छन् ।
गुम्बामा नेपाली कला झल्कने थान्का र मण्डलाको प्रचारप्रचार गर्ने र नेपाली कला र संस्कृती अनुसार पुजा पाठ गरिदिने लामाले थपे । कोरियामा व्यवस्थ कामका बावजुद स्वयम उपस्थित हुन नसकेपनि विद्युतिय संचारमाध्यमबाट प्रत्यक्ष प्रशारण गरी पुजा पाठ गर्न आफूहरु तयार रहेको लामाले स्पष्ट पारे ।
हाल घर भाडामा लिएर संचालनमा ल्याएको गुम्बामा ३ फिट ३६ इन्चको बुद्धको प्रतिमा राखिएको छ । ७ करोड वनको लागतमा गुम्बा शुरुवात गरिएको छ । कोरियामा रहेका विभिन्न नेपाली समितीहरुको प्रतिनिधी सहित ११ सदस्यीय गुम्बा संचालक समिति बनाइएको छ ।
समितिको अध्यक्षमा ह्योल्मो सम्पर्क समितीका इ०वाइ० दोइ०पा , नेपाल बौद्ध परिवारका रमेश श्रेष्ठ, मनाइ० परिवारका प्रकाश लामा सचिव, मुस्ताइ० परिवारका ज्ञान गुरुइ० कोषाध्यक्ष र सुरज गुरुइ० संचार विभाग हेर्छन् । सदस्यहरुमा नेपाल तामाइ० संघका उइना सिंह तामाइ०, तमुधिका प्रदिप गुरुइ०, शेर्पा संघका दावा रिन्जीइ० शेर्पा , नेवापुचका निर्मल महर्जन, बुद्धीजिवी तामाइ० संघका रविन तामाइ० र नुप्री समाजका निमा धोन्डुप रहेका छन् ।
