म्याग्दी घर बनाउन थेगु शहरमा ” पुरानो डुङ्गा” चल्दै
दक्षिण कोरियामा रहेका म्याग्दीबासी नेपालीहरुको सामाजिक संस्था म्याग्दी प्रवाशी नेपाली संघ, मोना दक्षिण कोरियाले म्याग्दी घर बनाउनको लागी थेगु शहरमा नेपाली चलचित्र ” पुरानो डुङ्गा ” प्रदर्शन गर्ने भएकोछ । दक्षिण कोरियाका विभिन्न शहरहरुमा प्रदर्शन भइरहेको यो चलचित्र , यही जनवरी २२ तारिक थेगु शहरको दोंगसंग आर्ट हलमा दिनको १ बजे प्रदर्शन गरिने वताइएको छ ।
चलचित्र प्रदर्शन गरिने हलसम्म जानको लागी बालाजु रेष्टुरेन्ट देखी ५० मिटर अगाडी अर्थात थेगु स्टेशन बाट मात्र ३ मिनेट हिंडेमा पुगीनेछ । चलचित्रको कुरा गर्नुपर्दा, पुर्खौली सम्पत्तिको रुपमा रहेको डुङ्गाको अंसबन्डाले परिवारमा ल्याएको फुटको कथा नै पुरानो डुङ्गाको मुख्य कथा हो । दयाहाङ राई, प्रियंका कार्की , माओत्से गुरुङ,मेनुका प्रधान आदीको मुख्य भुमीका रहेको यो चलचित्र मनोरंजनात्मक साथै सन्देशमुलक छ भने देश-विदेशमा त्यतीकै लोकप्रिय पनी बनेकोछ । म्याग्दी घर बनाउन ठुलो रकम लाग्ने साथै आर्थिक संकलनका धेरै माध्ययम मध्ये चलचित्र प्रदर्शन पनी एउटा रहेको बुझीएको छ भने चलचित्र प्रदर्शनीबाट आएको सम्पूर्ण मुनाफा म्याग्दी घरलाइ दिइने पनी जानकारी छ ।
थेगु वरपर रहेका सम्पुर्ण नेपालीहरुलाइ चलचित्र प्रदर्शनीमा सहभागी भइ म्याग्दी घरलाई सहयोग पुर्याइदिनुहुन आयोजकले हार्दीक अनुरोध समेत गरेको छ । एउटै हलबाट, अर्थात एउटै टिकेटबाट मनोरन्जन र सामाजिक काम दुवै हुनेहुनाले यो चलचित्र छुटाउनै नहुने देखीन्छ ।
