बार्सिलोनाले जित्यो कोपा डेल रेको उपाधि
निश्चल काउचा
सोल – शनिबार राति भएको उपाधि भिडन्तमा लिओनल मेस्सीको दुई गोलको मद्दतले एथ्लेटिको बिल्बाओलाई बार्सिलोनाले ३–१ ले पराजित गर्दै उपाधि उचालेको हो । यो बार्सिलोनाको २७ औं कोपा डेल रे उपाधि हो |
घरेलु मैदान नाउ क्याम्पमा भएको खेलमा बार्सिलोनाले २० औं मिनेटमा मेस्सीको गोलबाट खाता खोल्यो । ३६ औं मिनेटमा नेयमारले गोल गरेपछि पहिलो हाफमा बार्सिलोना २–० को अग्रता लिन सफल भयो ।
७४ औं मिनेटमा मेस्सीले व्यक्तिगत दोस्रो गोल गरे । खेलको ७९ औं मिनेटमा बिल्बाओका विलिम्सनले गोल गरेपनि सान्त्वना मात्र हुन सक्यो ।
