नेपालीको ज्यानलाई दाउमा राख्यो कोरिया

गजल

कृष्ण कुमार राई

असह्य पिडा र दुख्ने घाउमा राख्यो कोरिया
नेपालीको ज्यानलाई दाउमा राख्यो कोरिया

सुन्दर सपना खोज्दै अा’को परदेशीलाइ
शिरमा हैन सधैँ सधैँ पाउमा राख्यो कोरिया
नेपालीको ज्यानलाई दाउमा राख्यो कोरिया

सुति मर्छ लडि कोहि झुण्डि मरिराछन
किन यस्तो धेरै सस्तो भाउमा राख्यो कोरिया
नेपालीको ज्यानलाई दाउमा राख्यो कोरिया

मिठो सपना क्षणभरमै लास बनाएर
ज्यानै लिइ मुर्दा भइ जाउमा राख्यो कोरिया
नेपालीको ज्यानलाई दाउमा राख्यो कोरिया

एउटा गरिब धनि बन्ने धोको लात मारि
जिन्दगीभर दुख गरी खाउमा राख्यो कोरिया
नेपालीको ज्यानलाई दाउमा राख्यो कोरिया

आहाले ३हर्दिया धनकुटा नेपाल
हाल:दक्षिण कोरिया ,खिम्पो