हनुमान कट्टु माथि टाईसुट सुहाउला र राष्ट्रपति ज्यू???

असार पन्ध्रमा राजधानीको पनि मुटु ठमेलको सडकमा विरोधस्वरुप धान रोपे स्थानियले । देशको राजधानी जस्तो मुटुको सडक धान रोप्न योग्य छन् भने अन्यत्रको नकुरा गरौ ।
अनि तपाईं त्यस्तो सडकमा १६ करोडको गाडि चढ्ने त राष्ट्रपति ज्यू ? यो त हनुमान कट्टु माथि टाईसुट लगाएको जस्तो भएन र राष्ट्रपति ज्यू ?

एसियाकै दोस्रो गरिव मुलुकको राष्ट्रपतिले विश्वकै विकसित मुलुकका राष्ट्रपतिहरुले भन्दा पनि उच्चस्तरको तडकभडक जीवनस्तर सेवासुविधा उपभोग गर्नु कहाँसम्मको जायज हो राष्ट्रपति ज्यू??

कट्टुमाथि टाईसुट लगाएर जापानका जोकर चार्लि चाप्लिनले झै सर्कस देखाएर दुनियाँ हँसाउने सोख छकि के हो महामहिम ज्यू?? देश र जनताको अवस्था थाहा नभएको होकि? थाहा भएर पनि महसुस नगरेको हो महामहिम ज्यू??

गाँस नपाएर जनता भोकभोकै मरिरहेका छन् ।
बास नभएर जनता खुला आकासमुनि पल्टिरहेका हुन्छन् ।
कपास नपाएर जनता कठिङ्ग्रिएर मरिरहेका छन् ।
यस्तो देशको राष्ट्रपतिले १६ करोडको गाडि चढ्नु कहाँसम्मको न्यायोचित हो राष्ट्रपति ज्यू??

सुरक्षा व्यवस्थालाई हेरेर होस् या जुनसुकै व्यवस्थालाई हेरेर होस् । घाँटी हेरेर हाँड निल्नुपर्छ । देश अनुसारका  भेष हुनुपर्छ । राजधानीको सडकको धुलोको कारण बिहान बिहान मर्निङवाक गर्नसम्म हानिकारक घोषणा गरिएको छ विश्व स्वास्थ संगठनले काठमाडौ शहरलाई । यएरपोर्टमा विदेश जाने साथिलाई छोड्न गयोभने प्लेन चढेर साथि विदेश पुगिसक्दापनि आफु यएरपोर्टबाट गाडि चढेर चावेल आईपुगिन्न । त्यस्तो हविगत छ राजधानीको सडक व्यवस्थाको ।

न कतै ट्राफिक लाईन छ । न कतै ट्राफिक लाईट छ । न कतै स्टप स्टेसन छ । राजधानीको मुलसडकहरु सम्म सबै पिच छैनन् । न भनेको ठाँउमा आकाशे पुल छन् । सडक चौडाको कुरा नगरौ ।

अनि तपाईलाई १६,१६ करोड गाडि चढ्नु पर्ने??? तपाई होसमा त हुनुहुन्छ? महामहिम ज्यू??

भन्न त तपाईको पार्टिको हनुहरुले राष्ट्रपतिको इज्जत बढ्दा, स्टान्डर्ट बढ्दा हाम्रो नि बढ्छ भनेर भन्न भ्याइसके । तर यस्ता इज्जत चाहिएन, हजुर । नाक काटेर उ…टाल्ने भनेजस्तो स्वाङ गर्नु महामुर्खता हुन्छ ।

तपाईलाई तितो लाग्ला । भन्ने नै हो भने राष्ट्रपति पदको लागि पनि तपाईं लायक हुनुहुन्न । अगाडि पछाडि साईरन बजाएर भिभिआईपि सुरक्षा व्यवस्थामा हिड्न पाउनु पनि तपाईको अहोभाग्य हो ।
तर तपाईलाई थाहा छ? तपाईले यो अहोभाग्य पाउनको लागि कमरेड मदनले तुनावाला चप्पलमा थोत्रो साईकल चडेर जनताको बहुदलिय जनवादको सिदान्त प्रतिपादित गर्नुभएको थियो नि । कमरेड मदनको जवज सिदान्तले सराप्लान् है राष्ट्रपति ज्यू।
होस् गर्नुस् ।

हाल द.कोरिया