एनआरएन लक्जेम्बर्ग द्वारा आयोजित युरोपेली भलिबलको उपाधी फिनल्याण्डको पोल्टामा
एनआरएन लक्जेम्बर्ग द्वारा आयोजित प्रथम अन्तर युरोपेली भलिबल प्रतियोगिता २०१७ को उपाधी फिनल्याण्डले आफ्नो पोल्टामा पार्न सफल भएको छ । युरोपमा रहेका नेपालीहरु माझ एकता, आपसी सद्भाव र भाईचारा बढाउने उद्देश्यले भलिबल प्रतियोगिता आयोजना गरेको थियो ।
खेलको फाइनलमा फिन्ल्यान्ड नेपाली समाजले एकता समाज फ्रान्सलाई २ को विरुद्ध १ ले पराजित गर्दै उपाधी सहित १५०० युरोका साथै शिल्ड र प्रमाण पत्र हात पारेको हो ।
सेमीफाईनलमा बेल्जियमलाई लाई २(० को सोझो सेटमा पराजित गर्दै फिन्ल्यान्ड फाईनलमा प्रवेश गरेको थियो ।
उपविजेता एकता समाज फ्रान्सले १००० युरोसहित प्रमाण पत्र हात पार्न सफल भयो । प्रतियोगितामा उत्कृष्ट खेल प्रदर्शन गर्ने उपबिजेता टोलीका सागर पुनलाई सम्मान गरियो ।
आयोजक संस्था एनआरएन लक्जेन्बर्गलाई सेमिफाईनलमा हराउँदै एकता समाज फ्रान्स फाईनल पुगेको थियो ।
निकै रोमान्चक प्रतिस्पर्धा खेलमा पहिलो सेट जितेको फ्रान्सले दोस्रो सेट सस्तैमा गुमाएको थियो । तर तेस्रो तथा अनितिम सेटमा खेलमा फर्किंदै एकता समाजले फाईनल यात्रा तय गरेको थियो ।
एनआरएनका केन्द्रिय उपाध्यक्ष कुमार पन्तको प्रमुख आथित्यमा सम्पन्न उक्त कार्यक्रमको अथितीहरुमा जनसम्पर्क समिति लक्जेम्बर्गका सभापति बालकृष्ण सापकोटा र गैर आवासिय नेपाली संघ आइसीसीका सदस्य हरिबहादुर खत्री रहेका थिए ।
एनआरएन लक्जेम्बर्गका नवनिर्वाचित अध्यक्ष नारायण गुरुङको सभापतित्वमा सम्पन्न कार्यक्रमलाई प्रवक्ता बालहरि राईले संचालन गरेका थिए ।
