विविध साँस्कृतिक कार्यक्रम सहित वरिष्ठ लोक गायक नारायण रायमाझीलाई न्युयोर्कमा सम्मान


न्युयोर्क, 

वरिष्ठ लोक गायक तथा सँगीतकार नारायण रायमाझीको सम्मानमा न्युयोर्कमा ‘विशेष सम्मान तथा विविध साँस्कृतिक कार्यक्रम २०१७’ आयोजना गरियो। कलाकार तथा खेलाडीहरुद्वारा आयोजित उक्त कार्यक्रम न्युयोर्कको ज्याक्सन हाईट स्थित शेर्पा किदुगको हलमा यहिं जुलाई १५ तारिक शनिबार साँझ सम्पन्न भएको थियो । कार्यक्रममा ख्याती प्राप्त कलाकारहरु नारायण रायमाझी, पुरुषोत्तम न्यौपाने, सिर्जना बिरही थापा, मीन केसी, बिमल डाँगी, उदय भट्टराई, न्हुच्छे डँगोल, मधुर गिरी, सरीता डाँगी, अमृत रमदम मधुर गिरी लगायतको बेजोड प्रस्तुती, लाईभ दोहोरी तथा लोकगीतका साथै अन्य विविध मनोरञ्जनात्मक प्रस्तुतीहरु गरेका थिए । नृत्याङ्गाना अणु खड्का र निलिसा गौतमले प्रस्तुत गरेका नृत्यबाट पनि खचाखच हल भरिएका दर्शकले भरपूर मनोरञ्जन लिएका थिए ।

 

कानून व्यवसायी खगेन्द्र जिसीको प्रमुख आतिथ्यमा सम्पन्न ‘विशेष सम्मान तथा विविध साँस्कृतिक कार्यक्रम २०१७’ को सञ्चालन चर्चित उदघोषकद्वय पुरुषोत्तम न्यौपाने र डोल्मा शेर्पाले पालै पालो गरेका थिए । सम्मान पत्र ग्रहण पछि लोक गायक तथा सँगीतकार नारायण रायमाझीले आफ्ना चर्चित लोक गीतहरु प्रस्तुत गरेका थिए । लोक लयमा आधारित उनका ‘फुलबुट्टे चोलीमा’, ‘स्यान नानीले झुक्कायो मलाई’, ‘हाँसेर बोली देऊ’ लगायत दर्जनौ गीतहरु अत्यन्तै चर्चित छन् । पछिल्लो समय उनले नेपाली चलचित्र निर्देशनमा समेत हात हालेका छन् । ‘गोरखा पल्टन’ र ‘परदेश’ उनले निर्देशन गरेका दुई चलचित्रका गितहरु नेपाली समुदाय माझ निकै चर्चित बनेका छन् ।

सोही कार्यक्रममा अर्का चर्चित लोकगायक पुरोषोत्तम न्यौपानेलाई पनि अविर तथा खादा लगाई सम्मान गरेका थिए । रेडियो नेपालका वरिष्ठ कार्यक्रम उत्पादक तथा लोक दोहोरी प्रतिष्ठनका पुर्व अध्यक्ष न्यौपानेका ‘फुलको बासना’,’ऐना हेरेर’, ‘सरर पानी घट्टामा’ लगायतका दर्जनौ लोक गीतहरु अत्यन्तै चर्चित छन् । उनको प्रस्तुतीमा रउसे दर्शकहरुले मन थाम्न सकेनन् र अनि गीतको लयमा ताल मिलाएर नाच्न झुम्मिए । न्यौपाने धर्मपत्नी सहित हालै मात्र अमेरिका भ्रमणमा आईपुगेका हुन् । 

उक्त कार्यक्रमका संयोजक चर्चित लोक दोहोरी गायिका सिर्जना बिरही थापाले अाफ्ना दमदार प्रस्तुती दिएर माहौल अझै तताईन् । उनका गीतका तालमा नाच्ने दर्शकका घुईचो अझै बढे । बिच बिचमा उनले कार्यक्रम सफल पार्न सहयोगी भुमिका निभाउँनेलाई सम्झिन् । मुक्त कण्ठले प्रशंसा गर्दै अाभार ब्यक्त गरिन् । नारायण रायमाझी जस्ता लोक सँगीतका हस्तीको सम्मनार्थ कार्यक्रम गर्दा अर्का चर्चित लोक सर्जक पुरुषोत्तम न्यौपानेलाई समेत समेट्न पाउँनु अहोभाग्य भएको उनले भनिन् । अाफू जहाँ पुगे पनि निरन्तर नेपाली लोक सँगीतको उत्थान र प्रवर्धनमा लागि रहने उनले बताईन् । हाल मेरील्यान्ड स्थित बाल्टिमोर निवासी थापा अमेरिकाको विशेष प्रतिभावन कार्यक्रम अन्तरगत स्थाई बसोवास पत्र (ग्रीन कार्ड) प्राप्त गरी नेपालबाट केही बर्ष अघि अमेरिका बसाई सरेकी हुन् । ‘वनको काफल वनकै चरीलाई’, ‘राम्रो फूल त फुल्नै नहुने’ , ‘एउटा चिट्ठी’ लगायत दर्जनौ अन्य अत्यन्तै चर्चित लोक तथा दोहोरी गीतहरु उनका सिर्जना हुन् ।

कार्यक्रममा उपस्थित पासाङ तामाङले नेपालको दोहोरी साँझको झल्को गराएको बताए । अर्का सहभागी कमला गुरुङलाई नेपालमै पुगेको अनुभुती भएको बताईन् । कार्यक्रमले भरपुर मनोरञ्जन दिएको सहभागी धेरैले बताए ।

आफ्नो प्रतिक्रिया दिनुहोस |
सम्बन्धित शिर्षकहरु
  • बुख्याँचा बादशाह
  • जिन्दगीको जेब्रा क्रसिङ
  • सकुनि छिमेकी
  • क्याकटस फूल
  • ईपिएस

    ‘घर जाउँ प्लेन उड्दैन, बसूँ भिसा छैन’

    आसिक नेपाल अप्रिल ६ मा स्वदेश फर्कन तयारी अवस्थामा थिए । फलामका सामान बनाउने कम्पनीमा तीन वर्षदेखि काम गर्दै आएका उनले कम्पनीबाट हिसाब–किताब र बिदा लिइसकेका छन् । तर सरकारले कोभिड–१९ संक्रमण फैलिएका देशबाट आउने उडान अप्रिल १२ सम्म बन्द गर्ने निर्णय गरेपछि उनी ...

    रोजगार अनुमति प्रणाली (ईपिएस)को सुधारको माग गर्दै कोरियाली संबैधानिक अदालतमा मुद्दा दायर

    रोजगार अनुमति प्रणाली (इपिएस) को सुधारको माग गर्दै बुधबार कोरियाली संबैधानिक अदालतमा मुद्दा दायर गरिएको छ । कोरियाका मजदुर संगठनहरु प्रवासी मजदुर संगठन(एमटियू) र कोरियाली मजदुर संगठन(केसीटियू) अगुवाईमा ईपिएस मार्फत काम गरिरहेका विभिन्न देशका कामदारले सो मुद्दा ...

    हालसम्म ५८ जना नक्कली प्रशिक्षार्थी मार्फत परिक्षा दिएर आएका नेपाली पक्राउ : ५३ जनालाई नेपाल फिर्ता ५ जना अध्यागमनको नियन्त्रणमै

    कोरियाली अध्यागमन बिभागले एक विज्ञप्ती मार्फत हालसम्म ५८ जना नेपाली पक्राउ परेको जनाएको छ । यस मध्ये ५३ जनालाई नेपाल टिर्पोट गरिएको र ५ जनालाई थप अनुसन्धान गरिरहेको अध्यागमन बिभागले जनाएको छ । कोरियाली भाषा परिक्षाको प्रवेश पत्रको फोटो र कोरिया प्रवेश गरेर ...

    महिला / बालबालिका

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...

    error: Content is protected !!