स्व. दिल बहादुर घरब्जा स्मृतीकप भलिबल प्रतियोगिताको खेलतालिका सार्वजनिक

छन्त्याल परिवार दक्षिण कोरियाको आयोजनामा हुन लागेको स्व. दिल बहादुर घरब्जा स्मृतिकप भलिबल प्रतियोगिताको खेल तालिका सार्वजनिक भएको छ । आज भएको खेलतालिका सार्वजनिक कार्यक्रममा प्रतियोगिताको तयारीबारे जानकारी गराएको थियो ।

कुल १७ टिमको सहभागीता रहने प्रतियोगिताको उद्घाटन स्याङ्जा परिवार र पुन समाजविचको खेलबाट हुनेछ । त्यसपछि ठकुरी समाजले युनिक भिजन ग्रुपको सामना गर्दा तमु धीँले मोना कोरियाको ए टिमको सामना गर्नेछ । प्रतियोगिताको पहिलो चरणको खेलमा पर्वत समाज र दौंतरी ग्रुप, गुल्मी सम्पर्क समिति र मोना कोरिया बि , छन्त्याल परिवार ए र बी , सिहङ सी आन्सान र नमस्ते पाल्पा र बाग्लुङ सम्पर्क समिति र मोना कोरिया सी ले एकअर्काको सामना गर्नेछ भने अन्नपूर्ण दुधपोखरी समाजले सिधै बाई पाए ।

प्रतियोगिता आउँदो जुलाई 30 तारिखमा दोङ्देमुन छेयुक्वानमा हुनेछ । कोरियामा प्रायः जुलाई महिनाको अन्तिम साताबाट गर्मी बिदा शुरु हुने भएकोले यस प्रतियोगितामा खेलप्रेमी दर्शकहरुको उल्लेख्य उपस्थिति रहने आयोजकले जनाएको छ । प्रतियोगिता स्थलमा स्वादिष्ट नेपाली परिकारहरुको पनि उपलब्धता रहने छन्त्याल परिवारले जानकारी दिए ।