एनआरएन कोरियाको युवा संयोजकको पदमा सन्तोषकुमार राईको उमेद्वारी
आगामी सेक्टेम्बर ९ र १० तारिखमा कोरियाको राजधानी सौलमा हुन गइरहेको गैह्र आवासीय नेपाली संघ कोरियाको छैंटौं अधिवेशनमा युवा संयोजकको पदमा सन्तोषकुमार राईले उमेद्वारी दिने घोषणा गरेका छन् । ‘उमेर अुनुभव मात्रै हैन, क्षमता र बौद्धिकताको कदर गरौ’ भन्दै एनआरएन कोरियाको छैठौं अधिबेशनमा कोरियामा रहनुहुने सम्पूर्ण नेपाली युवाहरुलाई एकाताबद्द बनाइराख्न तथा श्रमजिबी मजदुरको हकहितका निम्ती युवा संयोजकको पदमा उमेदवारी दिएको राई बताउँछन् ।
राई आफ्ना १२ बुँदे घोषणपत्रसहित सम्पूर्ण कोरियावासी नेपालीहरुमा मत दिइ बिजयी गराउन हार्दिक आह्वान तथा अनुरोध समेत गरेका छन् । आफ्नो प्रतिवद्धतासहितका घोषणापत्र यसप्रकार रहेको छः
१.अर्थतन्त्रको बिकाससँगै समृद्ध नेपालको सपना पूरा गर्न कोरियाबाट फर्किने नेपालीका निम्ति औद्योगिकरण र आधुनिक कृषि ब्यवसायलाई लगानीमैत्री वातावरण तय गर्न ठोस कार्य दिशा तय गर्नेछु ।
२. बाढी पहिरो, भुकम्प लगायत नेपालमा हुने दैबी प्रकोपमा राहात वा अन्य कुनै पनि सहयोगका निम्ति एनआरएन कोरियालाई सकृय रुपमा अगि बढाउनेछु ।
३. एनआरएन कोरियाप्रती जनमानसमा रहेका भ्रमहरु हटाइ नेपालीहरुमा एनआरएनप्रतीको आस्था र बिस्वासलाई कायम गर्दै सम्पुर्ण नेपालीहरु एनआरएन कोरियामा एकताबद्ध गर्न बिशेष रुपमा अगि बढ्नेछु ।
४. कोरिया मानसिक रोगको सिकार भएका र औद्योगिक दुर्घटनालाई न्यूनीकरण गर्न , श्रमिकका कानुनी समस्याहरुमा सल्लाह र सुझाबका निम्ति जानकारीमुलक तथा चेतनामुलक कार्यक्रमहरु सन्चालन गर्नेछु ।
५. श्रमजिबी नेपालीको गुनासो सुनुवाइका निम्ति अन्लाइन सुचना संकलनको ब्यबस्था गर्दै मजदुरको हकहितको लागि आवस्यक समन्वय गर्नेछु ।
६. इपिएस प्रणाली मार्फत नेपाली मजदुर प्रतिको असमान ब्यबहार र ज्यादतीको बिरुद्व सम्बन्धित निकाय, एन आर एनका सम्पुर्ण पदाधिकारीसँग सहयोग र समन्वय गर्दै प्रभाबकारी रुपमा दबाब सृजना गर्न पहल गर्नेछु ।
७. नेपालको आर्थिक, सास्कृतिक र पर्यटन बिकासका निम्ति कला, सस्कृती र प्राकृतिक तथा ऐतिहासिक सम्पदाहरुको प्रचारात्मक अभियान सन्चालन गर्नेछु ।
८. कोरियामा रहेका नेपाली युवाहरुलाइ खेलकुद र मनोरञ्जनका साथै अन्य सिपमुलक काममा अभिप्रेरित गर्दै दक्ष जनशक्तीको उत्पादनमा बिशेस कार्यक्रमको संकल्म गरेको छु ।
९. कोरियामा रहेका सम्पुर्ण परोपकारी संघ सस्थाहरुलाई आवश्यक सहयोगका निम्ति पुर्ण रुपले साथ दिनेछु ।
१०. नेपाली कामदारको शारिरिक र मानसिक स्वास्थ्यमा प्रतिकुल असर परि भैरहेका विभिन्न दुर्घटनालाइ मध्यनजर गर्दै मुख्य शहरहरुमा समयानुकूल घुम्ती स्वास्थ्य शिबिरको आयोजना गर्ने ।
११. कामदारको आत्मबल बढाउनुका साथै बौदिक बिकासका निम्ति, मनोबैज्ञानिक प्रशिक्षण, अभिमुखिकरण तालिम, अन्तर्कृया, गोस्टी लागायतका कार्यक्रमहरु सन्चालनमा ल्याइ कामदारको ब्यक्तित्व बिकासमा टेवा पुर्याउनेछु ।
१२. कोरियामा रहेका नेपालीहरुको दुर्घटना वा मृत्यु हुदा उद्वारका निम्ति एनआरएनलाई अझै सकृय र प्रभाबकारी बनाउन उद्वार कोष खडा गर्न पहल गर्नेछु ।
