कोरियाबाट बाढिप्रभावित क्षेत्र सहयोग अभियानको हिसावकिताव सार्वजनिक

केही समय अघि नेपालमा गएको बाढी पहिरो र डुबानका कारण घरबार विहिन भएका बाढिप्रभावित क्षेत्रका लागि दक्षिण कोरियाबाट चलाइएको सहयोग अभियानको हिसावकिताव सार्वजनिक गरिएको छ । प्रभावित क्षेत्रका पिडितहरुको उद्धार साथै राहात कार्यक्रम सम्पन्न गरि संकलन गरिएको रकम बाढीप्रभावित क्षेत्रका बाढीपिडितहरुलाई हस्तान्तरण गरिएको छ ।

यस अभियानको सम्पुर्ण विवरण स्पष्ट र पादर्शी रुपमा सार्वजनिक गर्दै यस अभियानमा सहयोग पुर्याइ यस्तो विषम परिस्थितिमा मातृभुमिप्रतिको जिम्मेवार निभाउनु हुने सम्पुर्ण सहयोगिहरुप्रति हार्दिक धन्यवाद साथै आभार प्रकट गरेको अभियानकर्तामध्येका अग्रणी एलबि श्रेष्ठले जनाएका छन् ।

‘मधेसी, पहाडी, हिमाली हामी सबै नेपाली
हिमाल पहाड तरॉइ कोहि छैन पराइ’

पहाडमा जाडो बढे तरॉइले सेक्नुपर्छ
आँधि आए तरॉइमा पहाडले छेक्नुपर्छ

यिनै भनाइसँगै नेपालमा भरखरै अबिरल बर्षाका कारण आएको बाढि र यस्को प्रकोपले भयावह रुप लियो र अकल्पनिय हिसाबले धनजनको ब्यापक क्षति भई अझै स्थिति चिन्ताजनक रहेको यो दुखद परिस्थितिमा कोरियामा कार्यरत स्वतन्त्र सामाजिक सँजाल प्रयोग कर्ता युवाहरुले मातृभुमि प्रतिको कर्तव्य, मानवता र राष्ट्रियताको रक्षार्थ बिभिन्न सँस्था र समुहसँग आबद्ध रहेका, सामाजिक अभियन्ताहरुको एउटा साझा टिम बनाएर कोरियावासि नेपालीहरुमा आर्थिक सहयोगको अपिल र पहल गर्दै राहत संकलन अभियान संचालन गरेका थिए ।

उक्त अभियानसँगसँगै आपतकालिन र चिन्ताजनक अवस्था रहेकोले तत्काल उद्धार र अत्यावस्यक राहत सामग्री बितरण गर्न नेपालमा रहेका स्वएंसेवक र अभियन्ताहरु सँग समन्वय गर्दै रकम निकासा गर्दै गैरहेको अभियानकर्ता श्रेष्ठले बताएका छन् । उनका अनुसार अहिलेसम्म बितरण भैसकेको ठॉउबाट प्राप्त भएको रिपोर्टहरु र हिसाब किताब पनि पारदर्शि तरिकाले सामाजिक सँजालको माध्यमबाट प्रस्तुत गर्दै पनि आइरहेको छ ।

उक्त अभियानबाट उठेको रकम मध्ये सुरुमा राहत र उद्धारको लागि नेपाल आर्मी र  नेपाल स्काउटसँग खटिएको टोलिलाइ रु ५०,००० गरिएको थियो । त्यसैगरि झापाको कन्काइ स्थित सिवगन्ज विद्यालयमा बसिरहेका पिडितहरुलाइ पहिलो पटक रु ५०,००० र दोस्रो पटक अपुग २० घर परिवारको लागि रु ३०,००० को राहत सामग्रि बितरण गरिएको छ । त्यस्तै सुनसरीको  एउटा टिमलाइ रु ५०,०००, रौतहटमा MRR को टोलीलाइ रु ५०,००० पठाएको तथा चितवनको परिवर्तित समाज नेपालको टोलीमार्फत रु ५०,००० को राहत सामग्रि भ.म.न.पा. १३ सिमलगैडिका ४० परिवारलाइ राहत बितरण गरिएको छ ।

त्यसैगरि सुनसरीकै इटहरि ४ र २ मा १५० घर परिवारलाइ त्रिपाल सहित ट्विटेरियन सोसाइटिको संयोजनमा रु ७०,००० को अत्यावस्यक राहत सामग्री बितरण गरिएको छ । सर्लाहीको इस्वरपुर ९ को मुसहर बस्तिका ६० घर परिवारलाइ रु ७०,००० बराबरको अत्यावस्यक राहत सामग्रि उपलब्ध गराएको छ भने बिराटनगर २ हनुमान मन्दिर उत्तरतिर आपतकालिन उद्धार सामग्रीको लागि दारि ग्याङ बिराटनगरको टिम मार्फत रु ५०,००० पठाइसकेको छ ।
त्यस्तै MRRको टिमलाइ झापा सिमलवाडि निमाविमा रु २०,००० को सैक्षिक सामग्रि बितरण गरिएको छ ।

एक हप्ता चलाईएको यस अभियानमा जम्मा ८७,१७,८८२ वन संकलन भएको थियो । बाँकी रकम ‘पहिलो पाईला’ नामक समुहलाई आधा र आधा रकम  सिधाकुरा जनतासंग भन्ने कार्यक्रम मार्फत बाढिपिडितको लागि घर बनाउने अभियानमा सहयोग गर्ने बताइएको छ । जसलाई सामजिक संजाल मार्फत पनि सार्वजनिक गराउने भएको छ ।

सहकार्य गरेका टिमहरु:

स्वतन्त्र राष्ट्रप्रेमी सचेत नेपाली एकता अभियान
एमआरआर कोरिया
एकहात एकसाथ
NMWR
Youth_Juction

मुख्य अभियन्ताहरु:

दिपेन्द्र श्रेष्ठ, रहेस श्रेष्ठ, युवराज घिमिरे, बिस्व श्रेष्ठ, हिमाल सागर, केटो बिन्दास, नबिन बॉस्कोटा, सन्तोष सिग्देल, यम श्रेष्ठ, बिनोद बस्नेत, शम्भु श्रेष्ठ, एल बि श्रेष्ठ, सन्तोष कुमार राई, नेपालको राम
Help_Floof_Victims_Team_Korea