एनआरएन कोरियाको सहकोषाध्यक्षमा थापा सारु र गुल्मेली बाबुको उमेद्वारी
गैह्र आबासिय नेपाली संघ एनआरएन कोरियाको अधिबेशन जति नजिकिन्छ त्यति नै नया उमेद्वारी दिनेको संख्या बढदै छ । एनआरएन कोरिया अध्यक्ष पदको लागि मात्र अहिलेसम्म ६जना उमेददार भइसकेका छन् । त्यस्तै हरेक पदमा उमेद्वारीको घोषण हुने क्रम जारी छ । यसैबिच सहकोषाध्यक्षको पदका लागि दुई जनाले उमेद्वारीको घोषणा गरेका छन् । आगामि सेप्टेम्बर ९ र १० तारिख कोरियाको राजधानी सोलमा हुन लागेको एनआरएन कोरियाको कोरियाको छैठौँ अधिबेसनका लागि सहकोषाध्यक्षमा कृष गुल्मेली बाबु र जीत बहादुर थापा सारु चुनावी मैदानमा उत्रेका छन् ।
ई पि एस मार्फत ४ बर्ष अघि कोरिया आएका सारु नेपाल मगर संघ कोरियाको पनि सह कोषाध्यक्षमा कार्यरत छन् । एनआरएनए कोरियालाई मजदुर मैत्री बनाई मजदुरको हक हितका लागि आफुले उमेदवारी दिएको सारुले बताएका छन् ।
त्यस्तै पछिल्लो समय कोरियामा नेपालीहरुका बीच राम्रो छवी बनाएका गुल्मेली बाबु अन्तरराष्ट्रिय नेपाली साहित्य समाज दक्षिण कोरियाका अध्यक्ष, गुल्मि सम्पर्क समिती दक्षिण कोरियाका उपाध्यक्ष रहेका छन् । सन् २०१० मा कोरिया प्रवेश गरे लगत्तै बिभिन्न संघ संघ संस्थामा अबद्व भइ सामाजिक सेवामा लागेका गुल्मेलीले संस्थागत रुपमा सिकेको अनुभबलाई एनआरएन कोरियामा प्रयोग गरि संस्थालाई मजदुर मैत्री तर्फ डोर्याउन आफुले महत्वपूर्ण भूमिका खेल्ने बताउँछन् ।
सक्षम,कर्मठ र ईमानदारीतालाई रोजौं, एनआरएनको उच्च प्रगतिको लागी हाम्रालाई होईन राम्रालाई रोजौं भन्दै मजदूर मैत्री अहिलेको अपरिहार्यता भन्ने नाराका साथ उमेदवारी घोषणा गरेका उनी गीतकार, मोडल एवं संगीतकार पनि हुन् ।
