दोस्रो युनिक भिजन मैत्रीपूर्ण भलिबल प्रतियोगिताको उपाधी छन्त्याल परिवारको पोल्टामा
“विकास, अनुशासन, गतिशिलता, खेलकुद मार्फत सबै संस्थाविच सदभाव आजको आवश्यकता ” भन्ने मूल नारा सहित यूनिक भिजन ग्रुप, दक्षिण कोरियाद्वारा आयोजित “दोश्रो यूनिक भिजन मैत्रीपूर्ण भलिवल प्रतियोगिता -२०१७ भलिवल प्रतियोगिता”को उपाधि छन्त्याल परिवारले जितेको छ ।
अगस्त 27 तारीख आइतबार दोङ्देमुन गु छेयुग्वानमा सम्पन्न भलिबल प्रतियोगितामा सिहुङ्जी आनसानलाई हराउदै फाईनल सम्मको यात्रा तय गरेको छन्त्याल परिवारले बागलुङ सम्पर्क समिति, दक्षिण कोरियालाई पराजित गरी स्याङ्जा परिवार टीमसँग उपाधिको लागि प्रतिष्पर्धा गरेको थियो । छन्त्याल परिवारले 2-1 सेतमा स्याङ्जा परिवारलाई जितेको थियो।
१७ टीम सहभागी रहेको उक्त प्रतियोगितामा प्रथम हुने छन्त्याल परिवार दक्षिण कोरियालाई १३ लाख वन नगदसहित कप र प्रमाणपत्र प्रदान गरिएको थियो भने दोस्रो हुने स्याङ्जा परिवारलाई १० लाख वन सहित प्रमाण पत्र वितरण गरिएको थियो । त्यसैगरी सान्त्वता हुने समूह बागलुङ सम्पर्क समिति, दक्षिण कोरिया र सिहुङ्सि आनसान दक्षिण कोरियालाई जनही नगद तीन लाख पचासहजार वन प्रदान गरिएको थियो । प्रतियोगितामा उत्कृष्ट खेलाडीको उपाधी विक्रम कुँवर “राठोर”-(स्याङ्जा परिवार दक्षिण कोरिया) ले पाउन सफल भए ।
ब्यबस्थित रुपमा खेल सन्चालन गर्नको लागि रेफ्रीहरु अमीत राना, सुनेश के सि, दिलु थापा र लोकेन्द्र भट्टचन रहेका थिए। NRNA का अध्यक्ष राजु क्षेत्रीको प्रमुख आतिथ्य र युनिक भिजन ग्रुपका अध्यक्ष भजिन्द्र क्षेत्रीको अध्यक्षतामा भलिबल खेल सौहार्दपुर्ण बाताबरणमा सम्पन्न भएको थियो।
प्रतियोगिताको विविध व्यवस्थापनमा मन, वचन र कर्मले सहयोग गर्नुहुने साथमा प्रतियोगिता अवधिभर मैत्रीपूर्ण तथा सौहार्दपुर्ण वातावरणमा सफलता पुर्वक सम्पन्न गर्न सहयोग पुर्याउनु हुने सहभागी खेलाडीहरु, निर्णायकहरु, खेलप्रेमी महानुभावहरु तथा प्रत्यक्ष अप्रत्यक्ष रुपमा प्रतियोगिता सम्पन्न गर्न सहयोग पुर्याउनु हुने सम्पूर्णमा युनिक भिजनका अध्यक्ष भजिन्द्र क्षेत्रीले हार्दिक धन्यवाद व्यक्त गरेका थिए । प्रतियोगितामा नेपालीहरुको बाग्लो उपस्थिती रहेको थियो।
