मनोज गजुरेल, गायिका मिना निरौला सहितको टोली कोरिया आईपुगे,थेगुको तारा रेष्टुरेन्टमा आज साझँ ५ बजे कार्यक्रम हुने
कोरियाको थेगु र सोलमा हुन लागेको कार्यक्रममा भाग लिन नेपालका ख्याति प्राप्त हास्य कलाकार मनोज गजुरेल , गायिका मिना निरौला कोरिया आईपुगेका छन । आज साझँ ५ बजेबाट थेगु स्थित तारा रेष्टुरेन्टमा कार्यक्रम उनीहरुको प्रस्तुती रहेको छ भने सउलमा भोली आईतबार कार्यक्रम हुने निश्चित भएको छ ।
उनीहरुको साथमा दोर्दी खोला हाईड्रो पावरका श्याम खडका वित्तिय व्यवस्थापक ,उत्तम लामा निर्देशक ,वर्षा श्रेष्ठ निर्देशक पनि कोरिया आएका छन । नेपालमा हास्य व्यंगको क्षेत्रमा निकै चर्चित कलाकार मनोज गजुरेल र ठमेल बजार ,काले दाई काले दाई जस्ता चर्चित गीतका गायिका मिना निरौंलाले थेगु क्षेत्रका नेपालीलाई आज झुमाउने विश्वास गरिएको छ ।
कार्यक्रममा सुरक्षित लगानीको बारेमा जानकारी दिनुका साथै दोर्दी खोला हाईड्रो पावरमा लगानी गर्ने अवसर पनि रहेको छ । सेयर निबेदन दिनको लागि लगानीकर्ताको नागरिकता वा राहदानीको प्रतिलिपि १ प्रति र पासपोर्ट साइजको फोटो १ प्रति लिई आउनु भएमा परियोजना बारे बुझेर कार्यक्रम अवधिमा सोहि स्थानमा सेयर आबेदन बुझाउन सकिने छ।
