स्व. पोम बहादुर गुरुङ स्मृति कप भलिबल प्रतियोगिताको खेल तालिका सार्वजनिक
अन्नपूर्ण दुधपोखरी समाज दक्षिण कोरियाको आयोजनामा हुन लागेको स्व.पोम बहादुर गुरुङ स्मृति कप प्रथम भलिबल प्रतियोगिता २०१७ को खेल तालिका आइतबार सार्वजनिक भएको छ । नेपाल हाउसमा भएको खेलतालिका सार्वजनिक कार्यक्रममा कुल १५ टिमको सहभागिता रहने आयोजकले जानकारी दिएको छ ।
यो सिजनकै अन्तिम प्रतियोगिताको रुपमा रहेको स्व. पोम बहादुर गुरुङ स्मृति कपमा गुल्मी सम्पर्क समिती ( ए ) र तमु धीँको भिडन्तबाट प्रतियोगिताका खेलहरु शुरु हुनेछ । त्यसैगरी बाग्लुङ सम्पर्क समितिले पर्वत समाजको सामना गर्दा पुन समाजले म्याग्दी मोना (बी)को सामना गर्नेछ । आयोजक अन्नपूर्ण दुधपोखरी समाज र कुभुनहुल्ली, गुल्मी सम्पर्क समिती ( बी) र म्याग्दी मोना (सी), छन्त्याल परिवार र युनिक भिजन ग्रुप, म्याग्दी मोना (ए) र स्याङ्जा परिवारले एकाअर्काको सामना गरेर प्रतियोगिताको पहिलो चरण पार गर्दा सिहङसी आनसान भने बाई पाएर सिधै दोस्रो चरणमा भिड्नेछ ।
नेपाल कोरिया भलिबल संघको मातहतमा सञ्चालन हुने प्रतियोगिता अक्टोबर ३ तरिख छुसकको पहिलो दिनमा सङबुक कुमिन छेयुग्वानमा हुनेछ ।
