‘नेपाल कप फुटबल टुर्नामेन्ट २०१७’ को खेल तालिका सार्वजनिक

नेपाल फुटबल महासंघ दक्षिण कोरियाले आयोजना गर्न लागेको ‘नेपाल कप फुटबल टुर्नामेन्ट २०१७’ को खेल तालिका सार्वजनिक गरिएको छ । कोरियनहरुको महान चाड छुसकको अवसर पारेर अक्टोबर ५ तारिखका दिन सौलको दोङ्गदोचन फुटबल सेन्टरमा हुन लागेको उक्त फुटबल टुर्नामेन्टमा ए पोलमा मेचीकाली युनाइटेड एफ सी, कास्की एफ सी, हिमालय एफ सी पोहाङ्ग, किम्फो एफ सी, झापा एफ सी, एभरेष्ट एफ सी सउल, मोक्फो एफ सी, सुदूरपश्चिम एफ सी, लम्जुङ्ग फस सी, गौतम बुद्ध एफ सी, धरान एफ सी रहेका छन् । त्यसैगरी बि पोलमा नमुना पोछ्न एफ सी ए, मगर एफ सी, नमुना पोछ्न एफ सी बि, हिमालय एफ सी ख्वाङ्गजु, मासक एफ सी, जिन्यङ्ग एफ सी, पाथीभरा एफ सी, गुनसान एफ सी, इलाम एफ सी, डेउ एफ सी, मनाङ्ग एफ सी रहेका छन् ।
प्रतियोगितामा प्रथम हुने समूहलाई २५ लाख वन नगद राशीसहित ट्रफी, मेडल र प्रमाणपत्र प्रदान गरिने भएको छ । त्यसैगरी दोस्रो हुने समूहलाई १५ लाख वनसहित प्रमानपत्र प्रदान गरिने भएको छ । त्यस्तै हरेक उत्कृष्ट बिधाहरुमा समेत पुरस्कारको व्यवस्था गरिएको आयोजकले जनाएको छ ।
‘प्रवासी भुमिमा नेपाली फुटबल प्रेमीहरुको एकता र बिकासको आवस्यकता‘ भन्ने मुल नाराका साथ फुटबल बिकास अक्षयकोष निर्माण सहयोगार्थ हुन लागेको उक्त टुर्नामेन्टमा दक्षिण कोरियामा नेपाल फुटबलको बिकास र प्रबर्द्धनको लागि भुमिका निभाउनु हुने फुटबलका विशेष ब्यक्तित्वहरुलाई पनि सम्मान गरिनेछ ।
कोरियामा विभिन्न क्षेत्रमा छरिएर रहेका सम्पुर्ण नेपाली फुटबल क्लबहरुलाई एकताको शुत्रमा गासि फुटबल खेलको माध्यमबाट सर्वोच्च शिखर सगरमाथा र शान्तिका अग्रदुत भगवान गौतम बुद्ध जन्मेको भुमि नेपाल भनी परिचित गराउदै नेपालीहरु माझ भाईचारा, मेलमिलाप, सद्भाव, सहयोग र आत्मियता बढाउदै लैजाने हेतुका साथ नेपाल फुटबल महासँघ दक्षिण कोरियाले बृहत नेपाली फुटबल महामेला आयोजना गर्न लागेको हो ।
बिहान ७ बजेदेखि सुरु गरिने उक्त फुटबल महामेलाको प्राङ्गणमा विभिन्न स्वादिष्ट नेपाली परिकारहरु र पेय पदार्थहरुका साथमा विभिन्न मनोरञ्जनात्मक खेलहरु पनि प्रदर्शन गरिनेछ।