लमजुङ परिवार दक्षिण कोरियाको १२ औं साधारणसभा सम्पन्न, अध्यक्षतामा मेख दुरा चयन

लमजुङ परिवार दक्षिण कोरियाको १२ औं साधारण सभा तथा १८ औं वार्षिकोत्सव सम्पन्न भएको छ । “लमजुङ हाम्रो जन्मभुमि लमजुङ हाम्रो शान हो, प्रवासी भुमिमा एकता र सहयोग नै हाम्रो पहिचान हो” भन्ने मुल नाराका साथ गत अक्टोबर ३ तारिख सम्पन्न सो सभाले सर्वसम्मत रुपमा अध्यक्ष पदमा मेख दुरालाई चयन गरेको हो ।
त्यस्तै वरिष्ठ उपाध्यक्षमा मेघप्रसाद वाईवा, उप अध्यक्षमा देवी घले, महासचिवमा राजकुमार गुरुङ ,सचिवमा सन्जिव घिमिरे ,कोषाध्यक्षमा कमला गुरुङ ,सहकोषाध्यक्षमा महेन्द्र केसि र सदस्यहरुमार राम दुरा ,हिउँ काशी गुरुङ ,सन्तोष धिङगल,शोभा दुरा र ओमप्रसाद वाईवा गरि १३ सदस्यीय कार्यसमितिको गठन गरिएको छ।
कार्यसमितिको सदस्यमा रिक्त पदमा भने कार्यसमितिको आगामी बैठकले नियुक्ति गर्ने जनाएको छ । साथै सभाको खुल्ला सत्रमा भुपु अध्यक्ष धन गुरुङले आफ्नो कार्यकालमा सहयोग गर्नु हुने सम्पुर्ण लमजुङ परिवारमा आबद्ध नेपाली दाजुभाइ दिदिबहिनीहरु र शुभचिन्तकलाई धन्यवाद ज्ञापन गर्दै आगामी दिनहरुमा पनि परिवारद्वारा आयोजना गरिने विविध कार्यक्रमहरुमा अझ उत्साह जनक सहभागिता रहने कुरा व्यक्त गरेका थिए ।
साधारणसभाको बन्दसत्रमा परिवारको वार्षिक प्रगति विवरण भुपु महासचिव मेघप्रसाद वाईवा तथा आर्थिक प्रतिवेदन भुपु कोषाध्यक्ष ममता गुरुङले प्रस्तुत गरेका थिए । सोल दोङ्देमुन स्थित शुभेच्छा रेस्टुरेन्टमा सम्पन्न सो साधारणसभामा कोरियामा रहेका लमजुङवासी दाजुभाइ दिदिबहिनीहरु ,वरिष्ठ सल्लाहकार,भुपु अध्यक्ष,व्यापारी ,खेल मेनेजर ,पत्रकार , विद्यार्थी लगायत खेलाडीहरुको उल्लेखनीय रुपमा सहभागिता रहेको थियो ।
सन् 1999 मा स्थापित सो संस्थाले विगत डेढ दशक भन्दा लामो समयसम्म विशुद्ध सामाजिक सेवा तथा परोपकारी क्षेत्रमा अग्रस्थानमा रहि विभिन्न संघसंस्थाहरुसंग हातेमालो गर्दै विदेशमा मात्रै नभई स्वदेशसम्म आपतकालीन अवस्था र विभिन्न समस्यामा परेका नेपालीहरुलाई सहयोग गर्दै आईरहेको छ ।हाल याङ्जु स्थित सेम्नेमा परिवारको आफ्नै आवास गृह विगत १ दशक भन्दा बढी समयदेखी संचालनमा रहि नेपालीहरुको सुखदुःखमा साथ सहयोग गर्दै आईरहेको छ ।