नेपाल कप डेउ एफसीले चुम्दै २५ लाख वन हात पारे
फोनिज कोरिया संवाददाता
सोल
नेपाल फुटबल महासंघ दक्षिण कोरियाले छुसकमा आयोजना गरेको नेपाल कप २०१७ को उपाधी डेउ एफसीले चुमेका छन् । महासंघले पहिलो पटक आयोजना गरेको नेपाल कप नामक एक दिने फुटबल टुर्नामेन्टमा विजयी बनेका डेउ एफसीले २५ लाख वन पुरस्कार राशी सहित शिल्ड हात पारेका थिए ।
ट्राईब्रेकर हुदै फाइनलमा पुगेका मोक्फो एफसीलाई शुन्यको विरुद्ध एक गोलले डेउ एफसीले विजयी हासिल गरेका थिए । उपविजेता बनेका मोक्फो एफसीले पनि शिल्ड सहित १५ लाख वन पुरस्कार थापेका थिए ।
त्यस्तै डेउ एफसीका कृष्ण थापा उत्कृष्ठ खेलाडी , कुनाल देउजा उत्कृष्ठ डिफेन्स, विक्रम लिम्बु उत्कृष्ठ स्टाइकर, डेनी राई उत्कृष्ठ खेलाडी र शम्भु राई उत्कृष्ठ प्रशिक्षक बनेका थिए । मोक्फो एफसीका जगत तामाइ० उत्कृष्ठ मिडफिल्डर र जिन्यइ० एफसीका अमित श्रेष्ठले हाइस्कोर उपाधी थापेका थिए ।
कोरियनहरुको महान चाड छुसकको अवसर पारेर अक्टोबर ५ तारिख सौलको दोङ्गदोचन फुटबल सेन्टरमा खेलिएको थियो । एक दिने टुर्नमेन्टमा २२ टिमले सहभागिता जनाएका थिए ।
कार्यक्रममा बर्षौदेखि खेल मैदान उपलब्ध गराउदै आएकाले नगर प्रशासनका खेलकुद विभागका प्रतिनिधीलाई धन्यवाद पत्र समेत प्रदान गरिएको थियो ।
त्यस्तै दोङ्गदोचन सिटीले प्रत्येक वर्ष प्रदान गर्दै आएका विदेशी खेलकुद सम्मान पत्र यपाली नेपाल फुटबल महासंघ दक्षिण कोरियाका अध्यक्ष कृष्ण ब्रो गुरुइ०लाई प्रदान गरिएको थियो ।
कार्यक्रममा महासंघबाट राष्ट्रिय पूर्व फुटबल खेलाडी शुक्र तामाइ०लाई दोसल्ला ओढाई विषेश सम्मान गरिएको थियो भने कोरियामा फुटबल खेलको विकासमा योगदान पुराउदै आएका अग्रहहरुलाई पनि सम्मान गरिएको थियो ।
कोरियाका विभिन्न क्षेत्रमा रहेका सम्पुर्ण नेपाली फुटबल क्लबहरुलाई एकबद्ध गरी फुटबल खेलको माध्यमबाट सर्वोच्च शिखर सगरमाथा र शान्तिका अग्रदुत भगवान गौतम बुद्धको जन्म स्थान नेपाल परिचित गराउदै नेपालीहरु माझ भाईचारा, मेलमिलाप, सद्भाव, सहयोग र आत्मियता बढाउदै लैजाने हेतुका साथ नेपाल फुटबल महासँघ दक्षिण कोरियाले बृहत नेपाली फुटबल महामेला आयोजना गरेको अध्यक्ष कृष्ण गुरुइ०ले बताए ।
