प्रश्ना शाक्यको गीतको म्युजिक भिडियो छायाँकन कोरियामा सम्पन्न
चेम्जोङ प्रोडक्सन र रिजेक्टेड प्रोडक्सनको संयुक्त प्रस्तुतिमा हालै कोरियाको विभिन्न सुन्दर नगरीहरुमा प्रश्ना शाक्यको चौथो एल्बमको ‘बिन्ती कोही यो जिन्दगी उनीको भनिदेउ न’ गीतको म्युजिक भिडियोको छायांकन सम्पन्न भएको छ ।
चर्चित गीतकार निलम आङ्बुहाङ राईको शब्द र प्रबिन बराइलीको संगीत रहेको उक्त गीतको एरेन्ज उदयराज पौडेलले गरेका छन्। गायिका प्रश्ना शाक्यको चौथो एल्बम प्रश्नामा रहेको छ । सुमधुर स्वरको धनी गायिका प्रश्ना शाक्यले एकदमै मीठो स्वरमा गायकी छिन् । उक्त गीतको भिडियोमा मुना लावती र मौसम चेम्जोङले अभिनय गरेका छन् । हाङ चेम्जोङको निर्देशन रहेको उक्त म्युजिक भिडियोको छायांकन सनराज रानाले गरेको छन् ।
पछिल्लो समयमा डाइरेक्सनमा जमिरहेका हाङ चेम्जोङले यस पटक भने रिजेक्टेड प्रोडक्सनसँग सहकार्य गरेका छन । नेपालदेखि नै म्युजिक भिडियोमा अभिनय गर्दै आएकी मुना लावती कोरिया आएर पनि अनिभयलाई निरंतरता दिन थालेकी छिन् ।
