नराम्रो साहु

दक्षिण कोरियामा रोजगारीको लागी आउन चाहाने नेपालीहरु धेरै छन् । आकर्षक तलब र जीवन शैलीको सपना बुन्नेहरुको आशाको धरोहर हो कोििरया ।
हालसम्म कोरिया आउने नेपालीको संख्या ५० हजार नाघिसक्यो ।
नेपालमा भएका धेरै युवाको सपनाको सहर हो कोरिया । तर कोरिया आइपुगेका धेरै नेपालीहरुका समान गुनासा छन् मेरो साहु नराम्रो छ ।
के सबै कम्पनीका मालिक नराम्रै छन् त ? छैनन् । हर समाज राम्रो नराम्रोको दुबै पक्ष हुन्छ । तर जति नेपालीहरुको मुखबाट मेरो साहु नराम्रो भन्ने सुनिन्छ त्यती साह्रो सबै साहुहरु नराम्रो चाही छैनन । आखीर म नराम्रो की मेरो साहु नराम्रो त भन्ने बिषयमा यहाँहरु माझ केही बुदाहरु राख्ने अनुमती चाहन्छु ।
मेरो साहुले मलाई खाना बस्न दिएको छ तर काम असाध्यै पेलाउछ ।
काम गर्दा थोरै गल्ति भएमा मेरो साहुले धेरै गाली गर्छ ।
मेरो साहुले मलाई सम्बोधन गर्दा अत्यन्तै तल्लो दर्जाको भाषा प्रयोग गर्छ ।
मेरो साथीको साहुले दुई ढाई लाख तलब दिन्छ मेरो साहुले एक डेढ लाख भन्दा दिदैन ।
मेरो साथीले गर्ने काम सजिलो छ मेरो गाह्रो छ । माथिका बुदाहरुमा कोरियामा कार्यरत धेरै नेपालीको मुख बाट धेरै सुनिने सुन्न वाक्यांशहरु हुन् ।
हामी नेपालबाट आउदा एक लाख भनेको ठुलो रकम हो एक लाख कमाउन जे गर्नु परे पनि गर्न सक्छु र गर्छु भन्ने आशय बोकार आएका थियौ तर यहाँ आएपछि आर्कोले दुईलाख बुझेको देखेर मलाई एकलाख दिने साहु नराम्रो लाग्यो यसमा साहु नराम्रो की म नराम्रो ?
कुनै पनी साहुले बिदेश बाट कामदार ल्याउनुको मनशाय भनेकै उसलाई अधिकतम काममा लगाएर आफुले प्रसस्त नाफा आर्जन गर्ने हुन्छ । जस्ले गर्दा हामीलाई साहु नराम्रो लाग्छ तर साहु नराम्रो की म ? कुनै पनि साहुले आफ्नो कामदारले कम लागतमा उत्पादित बस्तुहरु उत्पादन गरुन । काममा गल्ति गर्दा उत्पादन लागत बढ्ने भएकाले गल्तीमा गाली गर्छ । हामीलाई साहु नराम्रो लाग्छ यो अबस्थामा मेरो साहु नराम्रो की म ? हामी नेपालीहरु पढेलेखेका शिक्षीत मान्छेहरु यहा तल्लो दर्जाको मजदुरी गर्न आउछौ तर हाम्रो आशय साहुले मलाई आदर साथ सम्बोधन गरोस भन्ने हुन्छ र पनि आफ्नो मजदुरलाई साहुहरुले प्राय तल्लो दर्जाको भाषा प्रयोग गर्छन जुन कुरा नेपाली बाहेकका बिदेशीहरुलाई सहज लाग्छ तर हामी धेरै शिक्षीत भएकाले असहज लाग्छ र आफ्नो साहु नराम्रो लाग्छ तर नराम्रो म की मेरो साहु?
यी यस्ता कुराहरु कम्पनी वा संस्था संचालनका आधारभुत सामान्य नियमहरु हुन जस्लाई गहिरियर नियाल्न नसक्नु हाम्रो कमजोरी हो । यस्ता कुराहरुमा आफुले कुनै प्रतिक्रिया जनाउनु अघि हामीले आफु साहु भएर एक पल्ट सोच्ने हो भने अरुमा गर्ने ब्यबहार तिनै हुन । हामीलाई ती कुराहरु किन पच्दैनन् ?
हामी नेपालीहरुको एउटा बानी सबैभन्दा खराब छ जुन बानी हो आफुलाई अरुसंग तुलना गर्ने, हामिलाई थाहा छ सुन हीरा हुन सक्दैन एक मान्छे आर्को मान्छे जस्तै हुन सक्दैन तरपनी हामीले तुलना गर्न छोड्दैनौ त्यसैले नै हाम्रो समाज अझै सम्म माथी उठ्न सकेको छैन । हरेक कुराहरु बाट राम्रो पक्षलाई मात्र ग्रहण गर्ने हो हर चिजमा नराम्रा पक्षहरु हुन्छन तर पनी हामीले हर चिजको नराम्रा पक्ष मात्रै खोज्छौ जसले गर्दा हामिलाई गाह्रो लागिरहेको छ र आफ्नो साहुलाई नराम्रो मात्र देखिरहेका छौ। तर म साहु भएमा मैले अरुलाई गर्ने ब्यबहार पनी तिनै हुन भनेर एक पल्ट सोच्न सकेमा हाम्रो बैदेशीक बसाई अत्यन्तै सहज हुनेछ ।

(नगरपालीका-8 छिस्ती बागलुङ हाल याङ्जु दक्षीण कोरिया।)