नेपाल मगर संघ थेगुले माघे संक्रान्तिमा सांस्कृतिक कार्यक्रम गर्ने
मगर जातीको मौलिक पर्व माघे संक्रान्तिको अवसरमा मगर सघ थेगु शाखाको मुख्य आयोजनामा जनवरीको १४ तारिखमा सांस्कृतिक कार्यक्रम गर्ने भएको छ । कार्यक्रमलाई नेपाल मगर संघ दक्षिण कोरिया, किम्हे बुसान शाखा, खजेदो शाखाले समेत सहयोग गर्नेछ ।
कार्यक्रमका लागि नेपालबाट कलकार आउनुका साथै कोरियामै रहेका कलाकारको साथमा संस्कृतिक कार्यक्रम गर्ने मगर संघ थेगुका अध्यक्ष अध्यक्ष शालिकराम पुलामी मगरले बताए । कार्यक्रमलाई सब्य र भब्य रुपमा सफल पार्नको लागि नेपाल मगर सघ दक्षिण कोरियाका उपाध्यक्ष नगेन्द्र मगरको संयोजकत्वमा विभिन्न समिति गठन गरिएको पनि उनले जानकारी गराए ।
कार्यक्रममा मगर जातीको संस्कृति झल्कने भेषभुषा साथै मगर खानाको परिकार पनि रहने छ । कार्यक्रमलाई सफल पार्न कोरियामा रहेका सबै नेपालीलाई नेपाल मगर संघ थेगु शाखाले अनुरोध गरेको छ ।
