डेउ नेपाली एकता समाज दक्षिण कोरियाबाट सप्तरीका बाढी पीडितलाई जस्तापाता वितरण

गत अगस्टमा नेपालमा गएको विनाशकारी बाढिपहिरोले तराईका करिब 16 जिल्ला प्रभावित भएको थियो भने करोडौं धनजनको क्षति हुनुका साथै हजारौं जनता घरबार बिहिन भइ विस्थापित भएका थिए । यसै सन्दर्भमा विगतदेखि नै विभिन्न सामाजिक कार्यहरु गर्दै आइरहेको डेउ नेपाली एकता समाज गजेदो दक्षिण कोरियाले बाडी पीडितहरुलाई लक्षीत गरि आर्थिक सहयोग संकलन अभियान संचालन गरेको थियो । उक्त अभियानबाट 20,91000 (बीस लाख एकानब्बे हजार ) वोन संकलन भएको थियो । उक्त रकम नेपाल विप्रेषण गर्दा 1,96,400 रुपैया भएको थियो ।

उक्त रकमले समाजका उपाध्यक्ष रबि लामा र सह सचिव दिनेश पाठकको नेतृत्वमा सप्तरी स्थित तिरुहत गाउपालिका वाड न:2 का पीडितहरुलाई राहत स्वरूप जस्तापाता वितरण गर्ने सार्वजनिक निर्णय समाजले गरेको थियो । समाजका उपाध्यक्ष रबि लामाले स्थानीय जनप्रतिनिधिसंगको समन्वयमा संस्थाले लक्षीत गरेको तिरुहत गाउपालिका -2 सप्तरी का 43 घरपरिवार पीडितहरुलाई गत मंसिर 23 गते एक कार्यक्रमका बिच राहत स्वरूप समाजको तर्फबाट जस्तापाता हस्तान्तरण गरेका थिए ।

कार्यक्रममा बोल्दै रहत वितरण कार्यमा स्थानीय जनप्रतिनिधिको सल्लाह अनुसार गरिब,विपन्न निमुखा परिवारलाई प्राथमिकतामा राखिएको उनले बताए । प्राकृतिक विपत्तिको 3-4 महिना पछि पनि स्थानीय पीडितहरु त्रीपाल मुनिनै बसिरहेका छन । यस्तो पिडादायी अवस्था हुदा समाजले जस्तापाता हस्तान्तरण गरि पीडितको कष्टकर जनजीवन्मा थोरै भए पनि छहारी हाल्ने काम भएको छ। यश कार्यले आफ्नो गाउँका बाडिपिडित जनताले राहतको सास फेरेको गाउपालिका प्रमुखले बताए । उनले प्रबासमा पसिना बगाएर साटेको पैसाले आफ्नो देशका विपन्न निमुखा पीडितहरुको पिडामा मल्हम पट्टी लगाएको देख्दा वास्तव मै आफू प्रभावित र भावुक भएको बताए ।

यसका साथै डेउ नेपाली एकता समाज र कोरिया बासी नेपाली हरु प्रतो अभार व्यक्त गरे।यद्यपि यो कार्य चाडै सम्पन्न गर्न खोजिए पनि कोरियाली चाडपर्व लगत्तै नेपालको चाडपर्व र चुनावले गर्दा लक्षीत समयमै पीडितको हातमा राहत पुर्‍याउन नसकिएको कारण अलि ढिलाइ भएकोमा समाजका अध्यक्ष अंशुबर्मा लिम्बू ले सबैसंग क्षमा याचना गरेका छन ।

यसैगरी नेपाल गएर सबैलाई जुटाएर राहत वितरण गर्ने जिम्मा लिएका समाजका उपाध्यक्ष रबि लामाले समयको दबाबले गर्दा सार्वजनिक सूचना सम्प्रेषण कारण बस गर्न नसकेकोमा सार्वजनिक माफी मागेका छन। उनले भने, “मंसिर 21 गते चुनाव 23 गते वितरण गरेर 25 गते म कोरिया फर्किनु पर्ने भएकोले सहोदर साथीहरूलाई समेत खबर गर्न नपाई हतारमा कार्य सम्पन्न गर्नुपर्ने बाध्यताले गर्दा सबै साथीहरू संग पुग्न सकिन त्यसको लागि माफी चाहान्छु।”

यसका साथै उक्त अभियानमा सहयोग गर्नुहुने सम्पुर्ण सहयोगिदाताहरुलाई हार्दिक धन्यवाद दिदै देश बिदेश जता भए पनि DSME मा कार्यरत नेपालीहरुले नागरिक दायित्व पूरा गरेको भन्दै समाजका अध्यक्ष लिम्बुले सहयोगी दाताको उच्च प्रशंसा गरेका छन।