वोमन वल्ड कपमा दक्षिण कोरिया अन्तिम १६ मा

निश्चल काउचा

सोल – क्यानडामा जारी फिफा वोमन वल्ड कपमा दक्षिण कोरिया दोस्रो चरणमा प्रवेश गरेको छ | आज बिहान भएको खेलमा दक्षिण कोरियाले स्पेनलाई २ – १ ले  हराउदै अन्तिम १६ आफ्नो स्थान पक्का गरेको हो |

खेल सुरु भएको २९ औ मिनेटमा स्पेनकी भेरोले गोल गर्दै टिमलाई अग्रता दिलाएकी थिइन् | पहिलो हाफमा १ – 0 ले पछि परेको दक्षिण कोरिया दोस्रो हाफ पछि लयमा फर्कियो | खेलको ५३ औ मिनेटमा कोरियाकी चो सोह्युनले गोल गर्दै खेललाई बराबरीमा ल्याईन | दोस्रो हाफ आक्रमक देखिएको कोरिया किम सूयुनले ७८ औ मिनेटमा दोस्रो गोल गर्दै अंक दोब्बर पारिन | अन्तत किम सूयुनको गोल नै जितको,लागि प्रयाप्त भयो | स्पेनले खेलमा फर्किने कोसिश गरे पनि सकेन | केही राम्रा अवसरहरु सदुपयोग गर्न नसक्दा स्पेनले आफ्नो हार टार्न सकेन |