पुर्वान्चल सरोकार समाज कोरियाले स्थानीय कलाकारहरुको साथमा अंग्रेजी नयाँ बर्ष भव्यताका साथ मनाउने

सन् २०१७ को विदाई सँगै नयाँ बर्ष सन् २०१८ को भब्य रूपमा स्वागत गर्न पुर्वान्चल सरोकार समाज कोरियाले यहि डिसेम्वर महिनाको ३१ तारिख आईतवार सुवन स्थित फेमिली एण्ड ओमन्स हलमा “ शुभकामना आदान- प्रदान तथा भेटघाट “ कार्यक्रमको आयोजना गर्ने भएको छ। शुभकामना तथा भेटघाट कार्यक्रमलाई सबैको लागि सहज र भब्य बनाउन लगातार ३ तिन सार्वजनिक विदाको बिचको दिन अर्थात डिसेम्वर ३१ तारिख आईतवार आयोजना गरिएको आयोजकले बताएका छन ।

कार्यक्रममा नेपाली खानाका विभिन्न स्वादिष्ट परिकारहरूको साथै स्थानिय नेपाली कलाकारहरूको वेजोड सांगितिक प्रस्तुतिका रहने छ साथै नेपाली कला र संस्कृतिक झल्काउने उद्देश्यले पुर्वाञ्चल क्षेत्रमा उल्लेखनीय बाहुल्यता रहेको किराँत समुदायको च्याब्रुङ नाच एवं साकेला नाच सहितको सांस्कृतिक झाँकीहरू पनि प्रदर्शन गरिने बताएको छ।

कोरिया स्थित रहेका सम्पूर्ण सकृय संघ संस्थाहरू र यहाँ आएर विभिन्न पेशा र व्यवसायमा आबद्ध रहनु भएका सम्पूर्ण नेपाली दाजु भाई तथा दिदिवहिनिहरूलाई उक्त कार्यक्रममा गरिमामय उपस्थितिको लागि पुर्वान्चल सरोकार समाज कोरियाले हार्दिक निमन्त्रणा गरेको छ ।

कार्यक्रम बारे जानकारी
मिति -२०१७ डिसेम्वर महिनाको ३१ तारिख आईतबार
समय – मध्यान्ह १२ बजे देखि साँझ ६ बजे सम्म
स्थान -수원시 가족 여성회관 ( suwon family & women’s hall )
जाने तरिका – सुवन स्टेशन ९ नं. गेट बाट सिधै अगाडी
11:49PM