“NPL GORKHEY GUYS” ले भब्य डान्स पार्टी “माया पिरती-२” को आयोजना गर्ने।
नया बर्षको आगमनसंगै, कोरियन पर्व सलनालको दोश्रो दिन अर्थात २०१८ फेब्रुअरी १६ तारिख बेलुका “NPL GORKHEY GUYS” ले भब्य डान्स पार्टी “माया पिरती-२” को आयोजना गर्ने भएको छ । Dj c-mon लाई लिएर गर्ने उक्त डान्स पार्टीमा कोरियामा रहेका युवा युवतीहरुलाई मनोरञ्जन दिईनेछ । आगामी दिनहरुमा उक्त ग्रुपले मनोरन्जनात्मक कार्यक्रम मात्र नभएर सामाजिक कार्यमा पनि सहभागिता जनाउने कुरा ग्रुपका अध्यक्ष रेशम थापा मगरले बताएका छन् ।
रोजगारीको सिलसिलामा ईपियस मार्फत कोरिया आएका नेपालका बिभिन्न ठाउका युवाहरुको सहभागितामा खोलिएको उक्त ग्रुपले यस भन्दा पहिले पनि बिभिन्न मनोरन्जनात्मक कार्यक्रमहरु सञ्चालन गरि सकेको थियो । तर अब देखि सामाजिक कार्यहरुमा पनि सहभागिता जनाउने उदेश्य सहित समिती नै गठन गरिएको जानकारी ग्रुपका अध्यक्ष थापा मगरले बताए। तसर्थ आउदो सलनालमा, कोरियामा रहनुहुने सम्पुर्ण दाजुभाई तथा दिदीबहिनीहरुलाई उक्त “माया पिरती-२” सफल पारिदिनु हुन अनुरोध गरेका छन् ।
