कोरियामा बिपुल क्षेत्रिको लाईभ कन्सर्ट हुने
भरत शर्मा
सौल, कोरियन नयाँ वर्ष सलनालको दोस्रो दिन कोरियाको राजधानी सउलमा बिपुल क्षेत्रिको लाईभ कन्सर्ट हुने भएको छ । कोरियामा रहेर नेपाल र नेपालीको हितमा विगत लामो समयदेखि सामजिक गतिविधि गर्दै आईरहेको सक्रिय युवाहरुको समूह बुद्ध ईन्टरटेन्टमेन्ट टिमले फेव्रुवरी १६ तारिखमा सो कन्सर्ट आयोजना गर्न लागेको हो ।
कार्यक्रम सामाजिक सेवाको लागि गर्न लागिएको र अन्य संघसंस्थाले गर्न लागेको कार्यक्रमलाई असर नपर्ने र सकेसम्म सहयोग गर्ने रहेको जनाइएको छ । सो कार्यक्रमबाट उठेको सम्पुर्ण आर्थिक मुनाफालाई नेपालको दुर्गम क्षेत्रको शिक्षा,स्वास्थ र बालबालिकाको निम्ति काम गरिरहेको संथा ‘राईज फर नेपाल’ मार्फत सहयोग गर्ने आयोजक टिमका सदस्य दिपेन्द्र श्रेष्ठले बताउनु भएको छ ।
कोरियामा रहनुहुने संगीत पारखीहरुलाई एउटा नयाँ स्वाद चखाउन अन्तराष्ट्रिय ख्याति प्राप्त ब्याण्ड विपुल क्षेत्रि एण्ड ट्राभलिङ ब्याण्ड छानिएको आयोजकहरुको दावी छ । कार्यक्रम राजधानी सउलको भव्य अन्तराष्ट्रिय कन्सर्ट हल ‘एस ट्वान्टी फोर’हलमा हुनेछ । उक्त हलमा हालसम्म चर्चित गायकहरु चार्ली पुथ,एडेले,के पप कन्सर्ट लगायत विभिन्न कन्सर्ट गरि करिब २५० भन्दा बढि कन्सर्टहरु भब्य तरिकाले सम्पन्न भैसकेको छ। अन्तरास्ट्रिय स्तरको कन्सर्ट हल,अन्तरास्ट्रिय स्तरको साउन्ड र लाईट सिस्टममा बिपुल क्षेत्री लाईभ उत्कृष्ट हुनेछ भने कार्यक्रममा नेपाल आईडलमा अत्यधिक रुचाईएका सुमधुर स्वरका धनी अफ्सर अलि र साहिल अलिले पनि आफ्नो बेजोड प्रस्तुति दिनेछन ।
यसैगरि नृत्याङ्गाना रिना थापा मगरले धमाकेदार नृत्य पस्कने छिन्। सामजिक उदेश्यका साथ आयोजना गरिएको यस कार्यक्रमको प्रमुख प्रायोजकको रुपमा जि एम ई रेमिट्यान्स रहेको छ । उक्त रेमिट्यान्सले टिकट खरिद गरेर कन्सर्ट हेर्न आउने मध्य भाग्यसाली एक जना दर्शकलाई दश लाख वन नगदको भाग्यसाली उपहार योजना लिएर आएको छ। दुर्गा रेस्टुरेन्ट हस्पिटालिटी पार्टनर रहेको राईज पर नेपाल २०१८ मा पुणिमा रेस्टुरेन्ट ,ग्रेट हिमालय रेस्टुरेन्ट र नारायणी प्यालेस रेस्टुरेन्ट सह प्रायोजकको रुपमा रहेका छन् । सामाजिक र परेपकारी उदेश्यका साथ गर्न लागिएको यस कार्यक्रमबाट कोरियामा रहेका नेपालीहरूलाई भरपुर मनोरन्जन मिल्ने आयोजकले जनाएको छ। सम्पूर्ण संगीतप्रेमी नेपालीहरुलाई कार्यक्रम आयोजकको तर्फबाट हार्दिक निमन्त्रणा गरिएको छ।
