काेरियामा मगर माघे संक्रान्ती कार्यक्रम भब्य रुपमा सम्पन्न
नेपाल मगर संघ दक्षिण कोरियाको आयोजना एवं थेगु शाखाको संयोजनमा यही जनवरी १४ तारिख आइतबार दक्षिण कोरियाको थेगु सहरमा माघे सक्रान्ती कार्यक्रम २०७४ भब्य रुपमा सम्पन्न भएको छ।
हाम्राे पर्ब हाम्राे पहिचान,अाफ्नाे भाषा,भेषभुषा,धर्म संस्कार,संस्कृतिकाे संरक्षण तथा सम्बर्द्धन गराैं भन्ने मुल नारा सहित प्रवासमा रहेकाे मगर संघले मगर जातिकाे राष्ट्रिय पर्ब मनाएकाे हाे।
नेपाल मगर संघ थेगु साखाका अध्यक्ष शालिकराम पूलामी मगरको सभापतित्व एवं नेपाल मगर संघ कोरियाका अध्यक्ष खड्क थापा मगरको प्रमुख आतिथ्यतामा सम्पन्न उक्त कार्यक्रममा परदेशमा रहेका सम्पुर्ण नेपालिहरु बिच आपसी भाईचारा एवं सद्भाबनाको कामना गर्दै थेगु साखाका उपाध्यक्ष विनी रोका थापा मगरले मन्तब्यले स्वागत गरेका थिए। उक्त कार्यक्रमको संचालन थेगु साखाका सचिब चिरन थापाले गरेका थिए। कार्यक्रममा नेपालकाे प्रथम सहिद लखन थापाकाे तस्बिरमा माल्यार्पण पनि गरिएकाे थियाे।
मौलिक भेषभुषा, कला सस्कृति र गीत संगीत लाई जिवन्त राख्दै राष्ट्रिय अन्तराष्ट्रिय स्तरमा चिनाउने प्रतिभाका अमूल्य हिराहरु लोक दोहोरी क्षेत्रका बहुचर्चीत गायीका देवी घर्ती मगर लगायत स्थानीय चर्चित कलाकारहरु विभिन्न मौलिक संस्कृति प्रस्तुति मार्फत भरपुर मनोरंजन प्रदान गर्ने नेपाल मगर संघ कोरिया केन्द्र सउल ,थेगु, किम्हे बुसान शाखाका कलाकारहरुको बिभिन्न प्रस्तुतीले दर्शक दिर्घाको मन जितेको थियो।
यस्तै मगर जातिको माघे सक्रान्ती बिषेश खानाका परिकारहरु खिचडी बटुकी तरुल सेल आदी जस्ता खानाले अझै दर्शकलाई आकर्षित गरेको थियो।यसै बिच परदेशमा रही नेपाली लोक संगितको क्षेत्रमा कृयाशिल गायक जितन भाई श्रीषको आउदै गरेको रोईला गितको म्युजिक भिडियोको सुटिङ गर्दै कार्यक्रम भब्य रुपमा सम्पन्न भएको जानकारी कार्यक्रम संयोजक नगेन्द्र मगरले फोनिज कोरिया डटनेटलाई बताए।
कार्यक्रम लार्इ सफल बनाउन सहयाेग गर्ने अायाेजक संस्थाका पदाधिकारी, सदस्यहरू, स्थानिय कलाकारहरू, राष्ट्रिय कलाकार देबी घर्ति, बिभिन्न संस्थाका प्रमुख तथा प्रतिनिधि, नेपाल मगर संघ केन्द्र तथा किमे बुसान शाखाका पदाधिकारी तथा मगर गैह्र मगर समुदायलाइ थेगु शाखाका अध्यक्ष शालिक राम पुलामीले धन्यबाद ज्ञापन गरेका छन्।
