प्रवासी नेपाली मंच दक्षिण कोरियाको सउल र फ्यान्थेक छनान क्षेत्रिय कमिटीको अधिवेशन सम्पन्न
प्रवासी नेपाली मंच दक्षिण कोरियाले पछिल्लो समयमा संगठन बिस्तारलाई तिब्रता दिइरहेको छ । यसै सिलसिलामा आज जनवरी ४ आइतबारको दिन मञ्चले एकै पटक सउल क्षेत्रिय कमिटीको पाचौ अधिवेशन र फ्यान्थेक छनान क्षेत्रिय कमिटीको पहिलो अधिवेशन गरी दुइ वटा क्षेत्रको अधिवेशन एकै दिन सम्पन्न गरेको छ ।
सउल क्षेत्रिय कमिटीको पाँचौ क्षेत्रिय अधिवेशनले टिकाराम पन्थिको नेत्रित्वमा एघार सदस्यीय नयाँ कार्यसमिती चयन गरेको छ । जसको उपाध्यक्षहरुमा माधब अर्याल र दिल जलारी पासा रहेका छन् । त्यस्तै सचिवमा दिलिप दाहाल, सह सचिवमा मदन थामी, कोषाध्यक्षमा अर्जुन निरौलालाई चयन गरेको छ । त्यसैगरी सदस्यहरुमा रामेश्वर थापा, सुजित घिसीङ, राजेन्द्र खत्री, गुन सारु मगर र राजेन्द्र सिग्देल चयन भएका छन् ।
अधिवेशनको उद्घाटन मञ्चका केन्द्रीय उपा–अध्यक्ष तथा प्रमुख अतिथी टेक पुनले गर्नु भएको थियो। अधिवेशनमा बिषेश अतिथि मञ्चका केन्द्रीय सल्लाकार ध्यान राई, सचिव हरी शंकर भण्डारी तथा अन्य केन्द्रिय अथितीहरुको उपस्थिती रहेको थियो ।
त्यसै गरी आजै सम्पन्न भएको फ्यान्थेक छनान क्षेत्रिय कमिटीको पहिलो अधिवेशनले शान्ति कला राईको नेत्रित्वमा नौ सदस्य कमिटी चयन गरेको छ ।
जसको उपाध्यक्षहरुमा मिन कार्की र कोविन राई, सचिवमा कृष्ण कुमार राई, कोषाध्यक्षमा नारायण भट्टराईलाइ चयन गरेको छ । त्यसैगरी सदस्यहरुमा दिनेश कार्की, प्रदिप पंगेनी, भुपेन्द्र मल्ल र मिलन रानाभाटलाइ चयन गर्यौ ।
अधिवेशनको उद्घाटन गर्दै संघका केन्द्रीय अध्यक्ष एवं प्रमुख अतिथी परशुराम सापकोटाले प्रवासमा रहेका युवाहरुको नेपाली राजनितीप्रतीको चिन्ता रहनु स्वभाविक रहेको भन्दै थप सक्रीय भएर लाग्न आग्रह गर्नु भएको थियो । अधिवेशनमा प्रवासी नेपाली मंच दक्षिण कोरियाकी केन्द्रिय सल्लाकार सिर्जना नेपाली,केन्द्रिय सदस्य मदन भुजेल,राजु थापा लगायत अन्य अथितीहरुको उपस्थिती रहेको थियो ।
