गायक विपुल छेत्री व्याण्ड सहित पहिलो पटक कोरिया आउदै
सोल
क्लासिक पप रक गीत संगीतमार्फत हाल देश विदेशमा चर्चा बटुल्दै गरेका गायक विपुल छेत्री यही फेब्रवरीमा पहिलो पटक दक्षिण कोरिया आउने भएका छन् । कोरियाको एक मुख्य पर्व सलनाल (नयाँवर्ष)को अवसरमा यहाँका नेपालीहरुलाई आफ्नो सांगीतिक स्वाद चखाउन गायक छेत्री उनका व्यण्ड ‘द ट्राभलिङ’ सहित आउन लागेका हुन् ।
बुद्ध इन्टरटेन्टमेन्टले फेब्रवरी १६ तारिख आयोजना गर्न लागेको ‘राइज फर नेपाल’नामक संगीतिक कन्सर्टको लागि उनीहरु कोरिया आउने भएका हुन् । कार्यक्रम सउलको स्वागंनारु स्टेशन स्थित अन्तराष्ट्रिय स्तरको ‘यस टोएन्टी लाईभ’ हलमा गरिने भएको छ । तीनहजार दर्शक क्षमता भएको सो हलमा दर्शकलाई विमाको व्यवस्था गरिनुका साथै कडा सुरक्षा प्रदानगरिने आयोजकले जनाएको छ । कार्यक्रमको लागि कोरियन सरकारबाट अनुमति लिइ अन्तराष्ट्रिय मापदण्ड अनुसार गर्न लागेको आयोजकको भनाइ रहेकोे छ ।
भातरका नेपाली गायक विपुल क्षेत्रीका साथ उनका व्यण्डका सदस्यहरु र संगीत साधन सहित आठ जनाको समूह कोरिया आउने भएका छन् । त्यसैगरी कार्यक्रममा थप आकर्षक प्रस्तुतीदिन अलिब्रदर्स र मोडल तथा डान्सर रिनाथापा नेपालबाट आउने छन् ।
भारतको दार्जिलिङ जिल्लाका गायक गीतकार तथा संगगीतकार छेत्री र उनका सांगीतिक व्यण्ड ट्राभलिइ०ले अमेरिका, अष्ट्रेलिया, जापान, हङकङ, बेलायतलगायत, नेपाल र भारतका विभिन्न ठाउँमा कन्सर्टबाट हजारौ दर्शकलाई झुमाउन सफलभएका छन् । कोरियामा रहेका उनका फयानहरु अहिले नै कार्यक्रमको टिकट लिएर व्यग्र पखाईमा रहेको आयोजकको भनाइ रहेको छ ।
छेत्रीले ‘स्केच अफ दार्जिलिङ’ एल्बलबाट पप रक एल्बम आफ दि एयर पुरस्कार थापेका थिए भने सोहीएल्बमका‘ सिन्डीकेट’बोलको गीतमार्फत हिट्स एफएमबाट बर्षको उत्कृष्ठ पप रक कम्पोजिसन र बर्षको उत्कृष्ठ पुरुष पप गायकको उपाधी पाएका छन् ।
नेपालका अनाथ बालबालिकालाई सहयोग गरिने सामाजिक उद्देश्यका साथ यो संगीतिक कार्यक्रम आयोजना गर्न लागेको हो ।
