प्रवासी नेपाली मञ्च दक्षिण कोरिया तथा नेपाली जनप्रगतिशिल मञ्चबिच संयुक्त भेटघाट तथा परिचयात्मक कार्यक्रम सम्पन्न
अबिश्रान्त शर्मा
सउल—प्रवासी नेपाली मञ्च दक्षिण कोरिया तथा नेपाली जनप्रगतिशिल मञ्च दक्षिण कोरिया बिच शनिबार सउलमा संयुक्त भेटघाट तथा परिचयात्मक कार्यक्रम सम्पन्न भयो ।
उक्त कार्यक्रममा दुबै संगठनका अध्यक्षहरुको नेतृत्वमा संगठनका नेताहरु सहभागी भएका थिए । कार्यक्रममा प्रवासी नेपाली मञ्चको तर्फबाट केन्द्रिय अध्यक्ष परशुराम सापकोटा , केन्द्रिय सल्लाहकारहरु गोबिन्द गाउले , श्रृजना नेपाली ,केन्द्रिय उपाध्यक्ष लाल सउद ,महासचिब श्रमदिप चौलागाई लगाएतका केन्द्रिय पदाधिकारी तथा सदस्यहरुको उपस्थिती रहेको थियो । त्यसै गरी नेपाली जनप्रगतिशिल मञ्चको तर्फबाट केन्द्रिय अध्यक्ष खगेन्द्र बुढामगर , उपाध्यक्ष इश्वर कठायत ,महासचिब नबिन गुरुङ लगाएतका केन्द्रिय पदाधिकारी तथा सदस्यहरुको उपस्थिती रहेको थियो ।
उक्त भेटघाट कार्यक्रमले दुबै संगठन बिचको भावनात्मक एकतालाई थप मजबुत बनाएको र आगामी दिनमा संयुक्त रुपमा राजनीतिक तथा सामाजिक गतिबिधी संचालन गर्नको लागी सहज वातावरण निर्माण गर्न सकारात्मक उर्जा पैदा गरेको तथा आपसी सद्धभाव बृद्धी गरेको कुरा उक्त भेटघट कार्यक्रमको बारेमा जानकारी दिदै प्रवासी नेपाली मञ्चका माहासचिव श्रमदिप चौलागाइले बताउनु भयो ।
साथै भेटघाट कार्यक्रम पछी दुबै संगठनका अध्यक्षहरुले संयुक्त प्रेस बिज्ञप्ती जारी गर्दै नेपाल सरकारका नव नियुक्त प्रधानमन्त्री के .पि. शर्मा ओलीलाई हार्दिक बधाई तथा सफल कार्यकालको शुभकामना ब्यक्त गरेका छन् । साथै नब गठित बाम गठबन्धनको सरकारले नेपाली जनमतको कदर गरी संबृद्ध नेपाल निर्माण गर्दै समाजबाद प्राप्तिको बाटोमा दृढताका साथ उभिने छ भन्ने बिश्वास गरेका छन् ।
संयुक्त प्रेस बिज्ञप्तीको पुर्ण पाठ
संयुक्त प्रेस बिज्ञप्ती
आज मिती २०१८ फेब्रुवरी १७ तारिख शनिवारका दिन प्रवासी नेपाली मञ्च दक्षिण कोरिया तथा नेपाली जनप्रगतिशिल मञ्च दक्षिण कोरिया बिच संयुक्त भेटघाट तथा परिचयात्मक कार्यक्रम सम्पन्न गदै दुबै संगठन का अध्यक्ष सहितको छलफल बाट आगामी दिनमा संयुक्त रुपमा राजनीतिक तथा सामाजिक गतिबिधी संचालन गर्न प्रारम्भिक छलफल गरियो ।
साथै नेपाल सरकारका नव नियुक्त प्रधानमन्त्री के .पि. शर्मा ओली ज्यूलाई हार्दिक बधाई तथा सफल कार्यकालको शुभकामना ब्यक्त गर्दछौ । नब गठित बाम गठबन्धनको सरकारले नेपाली जनमतको कदर गरी संबृद्ध नेपाल निर्माण गर्दै समाजबाद प्राप्तिको बाटोमा दृढताका साथ उभिने छ भन्ने बिश्वास गर्दछौ ।
त्यसै गरी नेपालमा सम्पन्न भएको प्रादेशिक तथा संघिय संसदको निर्वाचनमा बाम गठबन्धन बाट निर्वाचित हुनु हुने सम्पुर्ण माननीय सांसद ज्यू तथा प्रादेश सरकारको नेतृत्व गर्नु हुने सम्पुर्ण माननिय सदस्य हरुलाई हार्दिक बधाई तथा सफल कार्यकालको शुभकामना ब्यक्त गर्दछौ ।
अध्यक्ष अध्यक्ष
खगेन्द्र बुढामगर परशुराम सापकोटा
नेपाली जनप्रगतिशिल मञ्च प्रवासी नेपाली मञ्च
