सिसिटिभी, सिटिइभिटी र सिसिभीआइ

राजु गाल्थेन तामाङ

अहिले सामाजिक संजाल CCTV र CTEVTको कुराले चर्चा पाएको छ । कोरियामा पुग्ने हामीलाई भने CCVIको जति महत्व छ अरुको छैन । प्राबिधिक शिक्षा तथा ब्यवसायिक तालिम परिषद CTEVT नेपालको एक मात्र प्राबिधिक शिक्षा दिने सरकारी संस्था हो । मैलै पहिलो पटक २०६१ सालमा सुनेको थिएँ ।
त्यो समय मैले प्रमाण पत्र तहको अध्ययन सकेको थिएँ । काठमााडौमा रोजगारीका अबसर खोज्दै थिएँ । कतैबाट सुने औपचारिक शिक्षा भन्दा प्राविधिक शिक्षाको अध्ययन गरे रोजगारीको अवसर सजिलै पाइन्छ । त्यसैले बालाजुमा भएको सबभन्दा ठूलो सरकारी प्राविधिक शिक्षालय CTEVT गएँ । पहिले लिखित र पछि मौखिक परिक्षा पास गरियो । त्यस पछि सुरु भो दुई बर्षे TSLC को अध्ययन भो ।
पढ्नु पर्ने इलेक्ट्रोनिक हाउस वाइरिग । काम गर्दै पढ्नुको मज्जा आफ्नै छ । मैले पनि पढेँ । काठमाडौका एक सय भन्दा बढि नयाँ घरहरूमा बिद्युत जडान गरेँ । केही भिइपीका घरहरूमा सुरक्षाको लागि CCTV पनि जडान गरियो ।
काम चलि रहेकै थियो । त्यस्तैतमा दक्षिण कोरिया र नेपाल सरकार बिच श्रम सम्झौता भएको र दक्षिण कोरियामा श्रमिक हुन लाई कोरियन भाषा परिक्षा उतिर्ण गर्नुपर्ने कुरा सुनियो । खर्च धेरै नलााग्ने । पैसाठ्ठी हजार खर्च गरेर जाने त्यति नै महिनामा कमाउने । सुन्दै आर्कषक । यो कुराले मेरो ध्यान आफ्नो काममा भन्दा पनि कोरियन भाषा सिक्न केन्द्रित गरायो ।
करिब दुई महिनाको सिकाई पछि कोरियन भाषा परिक्षा दिए र उतिर्ण पनि भए । भाषा परीक्षा र स्वस्थ परिक्षण पछि म दक्षिण कोरियाको लागि अदक्ष कामदार (Non Skill Labour) को रूपमा सुचिकृत भए । केहि समयको अन्तराल पछि मेरो रोजगार दाताले पठाएको श्रम सम्झौता पत्र पनि प्राप्त भो । म CCVI को पर्खाइमा बसेँ । करिब डेढ महिना लाग्यो पश्चात मेरो CCVI आउन ।
दक्षिण कोरिया जाने सम्पूर्ण प्रकृया पुरा गरि २००९ मा पहिलो पटक कोरिया प्रवेश गरे । जब कोरिया प्रवेश गरे अनि जताततै CCTV  जडान गरेको देखे अनि मैलै सोचे यो CCTV बिकासको सुचक रहेछ । मेरो पहिलो ४ बर्ष १० महिने कार्यकाल सकेर म अदक्ष कामदार नै भएर नेपाल फर्के । पुन दोश्रो पटक पनि अदक्ष कामदारकै रुपमा कोरिया आएको छु ।
कोरियामा आएर करिब ६ बर्ष सम्म काम गरिरहँदा पनि कोरियाको लागि म नेपालको प्रधानमन्त्रीहरू जस्तै अदक्ष नै छु । अलि अलि कमाइयो होला । म देशमा केही गर्न चाहान्छु । साँच्चैनै देश बिकास गर्नको देशको कुना कुनामा कम्पनी खोलिनु पर्छ अनि दक्ष कामदारका लागि कम्पनी झै देशै भरि CCVI खोलिनु पर्छ । भष्ट्रचार लिप्त छ भनिन्छ सरकारी कार्यालय । ती सबैको रेखदेखका लागि सबै ठाउँमा CCTV जडान गर्नु पर्छ अनि CCVI को पछि लाग्ने युवाको लामो लाइन आफै बन्द हुन्छ ।