बुसानमा प्रथम बुद्ध जयन्ती फूटसल प्रतियोगिता आयोजना हुने
तामाङ समाज ख्यङ्साङ्नाम्दो बुसान, दक्षिण कोरियाले बुद्ध जयन्ती तथा नेपाली नयाँ बर्षको अबसर पारेर २०१८ अप्रिल २२ तारिखमा प्रथम बुद्ध जयन्ती खुला फूटसल प्रतियोगिताको आयोजना गर्ने भएको छ ।
संस्थागत पहिचान र आपसी सामाजिक विकासकोलागी प्रतियोगिता आयोजना गर्न लागिएकोे तामाङ समाज ख्यङ्साङ्नाम्दो खेलकुद विभाग संयोजक धनराज तामाङले बताए । प्रतियोगिता संचालनकालागि उनको नेतृत्वमा १३ सदस्यीय आयोजक कमिटी समेत गठन गरेको छ ।
प्रतियोगितामा प्रथम हुनेलाई १५ लाख वन र दोस्रो हुनेलाई १० लाख वन नगद पुरस्कार सहित ट्रफी, मेडल र प्रमाणपत्र प्रदान गरिने छ । नेपालीहरु वीच फूटसल खेल मार्फत आपसी भाइचारा बढ्ने र बुद्ध जयन्तीको अबसरमा कार्यक्रम गर्दा बुद्ध नेपालमा जन्मिएका हुन भन्ने सन्देश पनि जाने आयोजकहरुले जनाएका छन् ।
यस प्रतियोगितामा कोरियामा रहेका धेरै संस्थाहरुलाई सहभागी भएर सहयोग गर्न आयोजकले आग्रह गरेका छन् । प्रतियोगिता मर्यादित, निष्पक्ष र फुटसलको नियम अनुसार हुने संयोजक तामाङले बताए ।
