दक्षिण कोरियाका राष्ट्रपति र उत्तर कोरियाका नेता किम जगं उन एप्रिलमा भेट्ने
सोल
दक्षिण कोरियाका राष्ट्रपति मुन जे इन र उत्तर कोरियाका नेता किम जंग उनवीच आगामी महिना एप्रिलमा भेट वार्ता हुने भएका छन् । दुवै देशका सिमाना स्थित शान्ति घरमा आयोजना गरिने दक्षिण र उत्तर शिखर सम्मेलनमा उनीहरु भेटेर दुई देशका सम्बन्ध सुधार बारे थप छलफल गरिने भएका ह्नु ।
उत्तर कोरिया पुगेर वार्ता गरी आज फर्केका राष्ट्रिय सुरक्षा एजेन्सीका प्रमुख चोंग वा डाइले एक पत्रकार सम्मेलन गरी सो जानकारी गराएका हुन् । उत्तर कोरियामा किम जंगसंग भेटेर गरिएको सम्झौता बारे विस्तृत जानकारी दिदै चोंगले थपे उत्तरले परमाणु करणको समस्याबारे छलफल गर्न र कोरियाली सम्बन्ध सम्बन्धी सामान्यतया संयुक्त खुल्ला अन्तराष्ट्रिय वार्तामा छलफल गर्ने इच्छा व्यक्त गरेको छ।
सम्झौतामा उत्तरले दक्षिणको विरुद्धमा परमाणु हतियार वा पारंपरिक हतियार प्रयोग नगर्ने प्रतिज्ञा गरेका छन् । साथै दुवै नेतावीच सिधै सम्पर्क गर्न सकिने हट लाइन पहिलो पटक स्थापना गरिने निर्णय गरिएको छ । उत्तर कोरिया संयुक्त राज्य अमेरिकासंग पनि वार्ता गर्न तयार भएका छन् । सो वार्ता अवधिभरी उत्तरले कुनै परमाणु परिक्षण नगर्ने जनाएका छन् ।
दुई कोरियावीचको सैन्य तनाव र सम्बन्धहरूलाई सुधार गर्न थप छलफल गर्ने भएका हुन् । दुवै देशका सिमाना निर्धारण गरिएको डिएमजेट क्षेत्रमा दक्षिण कोरिया तर्फ निर्मित शान्ति घरमा दुवै नेता वार्ता गर्ने भएका छन् । यो अन्तर कोरियन सिखर सम्मेलन तेस्रो पटक हुने भएको कोरियन संचारमाध्यमले जनाएका छन् ।
