कोरिया आइपुगे नायक दयाहाङ राई

भोली सौलमा हुन गैरहेको कान्छी चलचित्र प्रर्दसनी तथा रेड कार्पेट स्वागत कार्यक्रमका लागि नायक दयाहाङ राई कोरिया आइपुगेका छन् । उनलाई आयोजक संस्था किरात राईयायोक्खा दक्षिण कोरियाका पदाधिकारीहरुले इन्छन एरपोर्टमा स्वागत गरेका छन् ।
पहिलो कोरिया भ्रमण भएकोले आफु उत्साहित भएको र भोलीको कार्यक्रममा कोरिया बासी नेपालीलाई आइदिन नायक दयाहाङ राईले आग्रह गरे । ‘कोरियाले धेरै नेपाली फिल्मलाई बजार दिएको छ । धेरै माया गर्नु भको छ । यो धेरै राम्रो कुरा हो । हामी फिल्मकर्मी खुशी छौ ।’ उनले थपे ।
किरातराई यायोक्खा दक्षिण कोरियाले अपतकालीन राहात कोषको लागि चलचित्र प्रर्दसनी कार्यक्रम राखेको हो ।