राष्ट्रिय भलिबल खेलाडी मानबहादुर श्रेष्ठलाई बजाज पल्सर स्पोर्टस् अवार्ड २०७४ मा जिताउन काेरियाबाट सहयाेग।
राष्ट्रिय भलिबल खेलाडी मानबहादुर श्रेष्ठलाई बजाज पल्सर स्पोर्टस् आवर्ड २०७४ मा जिताउन काेरियामा कार्यरत भलिबल खेल प्रेमीहरूले सहयाेग रकम संकलन गरि मंगलबार काठमाण्डाैंमा हस्तान्तरण गरेका छन्।
२०१८ मे ०८ मंगलबारका दिन नेपाल कोरिया भलिबल संघको संयोजकत्वमा मान बहादुर श्रेष्ठलाई भोट गरि विजय गराउन संकलित रकम काठमांडौ रगंशालामा आयोजित महिला राष्ट्रिय भलिबल प्रतियोगिताको समापन कार्यक्रममा हस्तान्तरण गरिएकाे हाे।
नेपाली भलिबल खेलको विकासको लागि दक्षिण कोरियामा स्थापित नेपाल कोरिया भलिबल संघको मातहतमा रहेर गत २०१८ मे ६ आईतबार यो सिजनकै पहिलो भलिबल प्रतियोगिता पुन समाज दक्षिण कोरियाद्वारा आयोजित प्रथम पुन समाज कप २०१८ को कार्यक्रम स्थलमा संघको संयोजकत्वमा राष्ट्रिय रेफ्री तथा राष्ट्रिय भलिबल खेलाडी अमित रानाको पहलमा सहयोग बक्स सहित फेसबुकमा प्रत्यक्ष प्रसारण गरि उपस्थित विभिन्न संघसंस्थाका प्रतिनिधिहरु, अफिसियलहरु ,भलिबल खेलाडीहरु ,भलिबल खेलप्रेमी दर्शकहरु र विभिन्न समाजसेवी व्यक्तित्वहरुसंग सहयोग रकम नेपाली रुपैंया १,०५,००० (एक लाख पांच हजार रुपैंया मात्र)संकलन गरिएको थियो।
उक्त संकलित रकम नेपाल खेलकुद पत्रकार मंचद्वारा आयोजना भएको बजाज पल्सर स्पोर्टस् आवर्ड २०७४ को पिपल्स् च्वाईस् अवार्डमा मनोनयनमा परेका चारजना खेलाडीहरुमध्येमा भलिबल खेलबाट मनोनित चर्चित राष्ट्रिय नेपाली भलिबल खेलाडी मान बहादुर श्रेष्ठलाई एस.एम.एस भोट गरि जिताउनको लागि काठमाडौं रगंशालामा सम्पन्न राष्ट्रिय महिला भलिबल प्रतियोगिताको समापन कार्यक्रममा नेपालकोरिया भलिबल संघका सल्लाहकार गान्धिव सुवेदी र नेपाल भलिबल संघका केन्द्रिय सदस्य राजकुमार गुरुङले संयुक्त रुपमा खेलाडी मानबहादुर श्रेष्ठलाई विजयीको शुभकामना सहित नगद हस्तान्तरण गरेका थिए।
उक्त सहयोग संकलन अभियानमा सहभागी सम्पुर्ण कोरियाबासी नेपालीहरुमा नेपालकोरिया भलिबल संघले हार्दिक धन्यवाद प्रकट गरेको छ।
