ओएनएफ कोरियाद्धारा मृगौला पिडित प्रेम बगालेलार्इ आर्थिक सहयोग
ओएनएफ दक्षिण कोरियाले मृगौला रोगबाट पीडित प्रेम बगालेलाई आर्थिक सहयोग प्रदान गरेको छ । लामो समयदेखी विर अस्पताल काठमाडौमा उपचार गराइ रहेका बगालेलाई थप उपचारका लागि सहयोग रकम १,६३,४१४ ।(एक लाख त्रिसठ्ठी हजार चार सय चौध रुपैया ) नगद हस्तान्तरण गरेको हो ।
कोरियामा ओएनएफबाट उठाईएको नगद रकमलाई नेपाल कम्युनिष्ट पार्टी केन्द्रीय सदस्य, प्रवासी नेपाली मञ्चका प्रतिनिधी इन्चार्ज तथा संघिय संसद विन्दा पाण्डेको उपस्थितिमा अनेरास्ववियु मार्फत नगद हस्तान्तरण गरेको जानकारी ओएनएफ कोरियाका अध्यक्ष पर्सुराम सापकोटाले दिएका छन ।
मृगौला रोगबाट पिडित बगाले अनेरास्ववियु पाल्पा जिल्ला कमिटिका अध्यक्ष हुन । उनलाई बचाउनको लागी अनेरास्ववियू केन्द्रिय कमिटिले ओएनएफलाई पत्र मार्फत आर्थिक सहयोगको अपील गरेको थियो ।
आर्थिक हस्तान्तरण कार्यक्रममा ओ.एन.एफ केन्द्रीय सदस्य सिता शितल, ओनएफ केन्द्रीय सल्लाहकार रुद्र शर्मा, निवर्तमान अनेरास्ववियु सचिवालय सदस्य प्रेम प्रधानको उपस्थिती रहेको थियो । ओएनएफ कोरियाले स्वदेस तथा बिदेशमा बिगत देखि नै सामाजिक सेवा गर्दै आइरहेको छ । ओएन एफको सहयोग प्राप्त भएपछि बिरामी प्रेम बगालेले खुसी ब्यक्त गरेका छन ।
दुई वाम पार्टी एकिकरणलाई स्वागत गर्दै आइतबार दिप प्रज्वलन गरिने
यसै बिच जेठ ३ गते सम्पन्न पार्टी एकतालाई प्रबासमा पनि स्वागत गरिएको छ । तत्कालिन नेकपा एमाले र मावोबादि पार्टीका कोरिया स्थित प्रबास सङ्गठनले कोरियामा एकिकरणको खुसियालिमा आगामी आइतबार सौलमा दिपावली कार्यक्रम गरिने बताइएको छ । ओएनएफ कोरिया र जनप्रगतिसिल मन्च सङ्ग सम्बद्ध सबैलाई सौलको दोङ्गदेमुनमा अपरान्ह ४ बजेपछि उपस्थितीका लागि दुबै सङ्गठनद्धारा अनुरोध गरिएको छ ।
