नयाँ शक्ति कोरियाको विशेष भेलाको सम्पुर्ण तयारी पुरा
नयाँ शक्ति पार्टी नेपालको प्रवास संगठन अन्तराष्ट्रिय नेपाली समाज दक्षिण कोरिया (INS) को मे-२७ तारिखको दिन हुने विशेष भेलाको सम्पुर्ण तयारी पुरा भएको छ।
लुम्बिनीमा सम्पन्न संघीय परिषदको चौथो विस्तारित वैठकले पारित गरेको निर्णयलाई कार्यन्वायनमा लैजान कोरियामा विशेष भेला गर्न लागिएको आईएनएस कोरिया काबा अध्यक्ष सुरेन्द्र बजगाईंले बत्ताउनु भयो ।
नयाँ शक्ति पार्टी संघीय परिषदको बिस्तारित बैठकले विभिन्न निर्णयहरु गर्दै महाधिवेशनको मिति तय गरेको थियो । उक्त निर्णय अनुसार पार्टी केन्द्रले स्थानीय तहसम्म परिपत्र गर्दै प्रत्येक देशमा आईएनएसको पुनर्गठन गर्न निर्देशन दिइसकेको छ । एशिया प्यासिफिक अन्तर्गत मलेसियाको अधिवेशन भइसकेको छ । हङकङ, मकाउ, जापान र थाईल्याण्डमा चाँडै सम्पन्न हुनेछ-नयाँ शक्ति एशिया प्यासिफिक जिल्ला संयोजक मिलनकान्छा किरातीले भन्नुभयो, नयाँ शक्तिले ‘भिजन ५ र मिसन ५’ नाम दिएर सांगठनिक पुनर्गठन प्रस्ताव अनुमोदन गरेको छ । वैचारिक मार्गदर्शनसँगै सांगठनिक शक्तिका आधारमा नयाँ शक्ति पार्टी तेस्रो शक्तिशाली ध्रुव बनाइने छ ।
“आर्थिक समृद्धिलाई” मुख्य एजेण्डा बनाएर स्थापित नयाँ शक्ति पार्टीले समतामुलक समृद्धि, सदाचार/सुशासन, समानुपातिक समावेशी लोकतन्त्र, स्वाधीनता-सार्वभौमिकता, सम्मुन्नत समाजवादको मूल्य मान्यतालाइ अंगिकार गरेको छ।
मे-२७ तारिखको दिन सोल स्थित नेपाल हाउसमा हुने कार्यक्रम बिहान ११ बजेदेखि सुरु हुनेछ। समाजले नयाँ शक्ति समर्थक, शुभचिन्तकहरुमा विशेष भेलामा उपस्थितको लागि आव्हान गरेको छ।
