नवौ कोरियन भाषा परिक्षामा ७४ हजारभन्दा बढीले परिक्षा दिए
दक्षिण कोरियामा काम गर्न प्रवेश पाउने रोजगार अनुमति प्रणाली (इपिएस) को नवौ कोरियन भाषाको परिक्षामा आवेदन दिएका मध्ये ९० प्रतिशतले परिक्षा दिएका छन् । यही जेठ २६ र २७ तगे सम्पन्न परिक्षामा ७४ हजार ८ सय ६० जनाले परिक्षा दिएको नेपाल इपिएस सेन्टरले जनाएको छ । ८२ हजार २ सय ३५ जनाले आवेदन दिएका थिए ।
यसपालीको कोरियन भाषा परिक्षाको काठमाण्डौ र ललितपुरमा तोकिएको २४ केन्द्र र पोखरामा चार गरी २८ केन्द्रमा परिक्षार्थिहरुले परिक्षा दिएका थिए । यसपाली २ सय ४७ जना नक्कली परिक्षार्थी पक्राउ परेका थिए ।
कोरियामा विदेशी कामदार ल्याउने १६ देश मध्ये कामदार संख्याको आधारमा कम्बोडिया पछि नेपाल दोस्रो स्थानमा रहेका छन् । सन २००७ बाट नेपालमा इपिएस शुरु भए यता अन्य देशको तुलानामा नेपाली कामदार इमान्दार र राम्रो भाषा बोल्ने भएकाले नै नेपालीको संख्यामा बृद्धी भएको इपिएस कर्मचारीहरुले बताएका छन् ।
परिक्षाको लागि कोरियाबाट नेपाल पुगेका प्रवासी मजदुर फोर्स र विश्व रोजगारका उप सभापति लि योनबोक र नेपाल स्थित कोरियन राजदुतले परिक्षा स्थल निरक्षण गरेका थिए । कोरियाबाट गएका इपिएस कर्मचारीका ६३ जनाको समूहले नक्साल स्थित बाल मन्दीर पुगी ७ सय डलर सहयोग गरेका थिए । साथै बालबालिकाहरुको कपाल काट्ने, विद्यालयको सरसफाई गरी पाठ्य सामग्री वितरण समेत गरेका थिए ।
