पत्रकार महासंघ कोरियाले बृहत मिडिया कर्मी भेला आयोजना गर्ने
सौल
नेपाल पत्रकार महासंघ दक्षिण कोरियाको यहि जुन २४ तारिख आइतबार मिडियाकर्मी भेला आयोजना गर्ने भएको छ । जुन ३ तारिखको अनलाइन बैठकको निर्णय अनुसार सो भेला गरिन लागेको हो ।
भेलामा पत्रकारका समस्या, छैठौ अधिवेशन तयारी, नयाँ पत्रकारको सदस्यता , अनलाइन मिडियाबीचको कमिटि लगायतका विषयमा छलफल गरिने भएको छ । साथै कोरियामा देखिएका विविध समस्या र सरोकारवाला निकायलाई थप गम्भिर पार्न दबाब दिने उपायका बारे गहन छलफल पनि गरिने छ ।
त्यसैले कोरियामा क्रियाशिल , नव प्रवेशी तथा इछुक सम्पुर्ण अनलाइन मिडियाकर्मी र पत्रकारहरुलाई उपस्थितीको लागि महासंघले आग्रह गरेको छ । विभिन्न मिडियामा आवद्ध पत्रकारहरुविच समुन्वय गरी आपसी सम्बन्ध विस्तार र अनुभव साटासाटको लागि यस्तो कार्यक्रम गर्न लागिएको अध्यक्ष खेम कार्कीले बताए ।
भेला दोङ्देमनूनको ७ नम्बर गेट नजिकैको कोरियन बुफे हलमा १२ बजे गरिने भएको छ।
आगामी छुसकमा गरिने छैठौ अधिवेशनको तयारीको लागि महासंघले आवश्यक कागज पुरा गरी नयाँ सदस्यता लिन र नविकरणको लागि यही २४ तारिख अन्तिम म्याद तोकेको छ । छुकस मै पत्रकारिताको तालिमको व्यवस्था गरिने पनि महासंघले जनाएको छ ।
सम्पर्कः
०१०६४५३३०५० खेम कार्की, अध्यक्ष
०१०६५३३७४३१ रञ्जन कुँवर, बरिष्ठ उपाध्यक्ष
०१०६४६३८७७४ विकास श्रेष्ठ, उपाध्यक्ष
०१०३६४२५४६५ सन्दीप पाण्डे, उपाध्यक्ष
०१०२६६५३९९५ मञ्जु गुरुङ, सचिब
